തിരുവനന്തപുരം: തെരഞ്ഞെടുപ്പില്‍ എല്‍ഡിഎഫിന്റെ കനത്ത തോല്‍വിക്ക് പിന്നാലെ കിഫ്ബി സിഇഒ കെ എം എബ്രഹാം രാജിവെച്ചു.മുഖ്യമന്ത്രിക്ക് രാജിക്കത്ത് കൈമാറി. കിഫ്ബി അഡീഷണല്‍ സിഇഒ മിനി ആന്റണിക്ക് ചുമതല കൈമാറി.
സംസ്ഥാനത്ത് തിരഞ്ഞെടുപ്പ് ഫലം വരും മുമ്പ് ഐഎഎസ് ഉദ്യോഗസ്ഥനായ ബി അശോക് അടക്കമുള്ള ഉദ്യോഗസ്ഥര്‍ കിഫ്ബിയെയും കെഎം എബ്രഹാമിനെയും വിമര്‍ശിച്ച് രംഗത്തെത്തിയിരുന്നു.തുടര്‍ഭരണം ഉറപ്പിക്കാന്‍ പ്രചാരണത്തിനായി കിഫ്ബി കടമെടുത്ത പണം ഉപയോഗിച്ചത് കെഎം എബ്രഹാമിന്റെ നടപടിയായിരുന്നു.
കെഎം എബ്രഹാം പടിയിറങ്ങിയതോടെ കിഫ്ബി പ്രവര്‍ത്തനം ഏത് രീതിയില്‍ മുന്നോട്ട് പോകുമെന്നത് ശ്രദ്ധേയമാകും.ബജറ്റിതര വായ്‌പ സമ്പ്രദായ രീതിയിലും ഘടനയിലും മാറ്റങ്ങള്‍ ഉണ്ടാകുമോയെന്നതാണ് ആകാംക്ഷയോടെ നോക്കി കാണുന്നത്.
ചീഫ് സെക്രട്ടറിക്കും മുകളില്‍ വിരമിച്ച ഐ എ എസ് ഉദ്യോഗസ്ഥനായ കെ എം എബ്രഹാം കാര്യങ്ങള്‍ നിയന്ത്രിച്ചിരുന്നത് വിമര്‍ശന വിധേയമായിരുന്നു.
