ബിജെപി നേതാവ് സുവേന്ദു അധികാരി നന്ദി ഗ്രാമില് വിജയത്തിലേക്ക്. ഏകദേശം 8702 വോട്ടുകള്ക്ക് സുവേന്ദു അധികാരി നന്ദിഗ്രാമില് മുന്നിലാണ്. ഇവിടെ തൃണമൂല് സ്ഥാനാര്ത്ഥി പവിത്ര കര് ആണ് രണ്ടാം സ്ഥാനത്ത്.
ബംഗാളില് ബിജെപിയുടെ മുഖ്യമന്ത്രി സ്ഥാനാര്ത്ഥിയാണ് സുവേന്ദു അധികാരി. 2021ല് മമത ബാനര്ജിയെയാണ് സുവേന്ദു അധികാരി തോല്പിച്ചത്. സുവേന്ദു അധികാരിയാണ് ബംഗാളില് ഇക്കുറി ബിജെപിയെ നയിച്ചത്. ഇദ്ദേഹം ബംഗാളില് തെരഞെടുപ്പിന് മുന്പ് നടത്തിയ പരിബര്ത്തന് യാത്ര ബംഗാളിനെ ഇളക്കിമറിക്കുകയായിരുന്നു.
ബംഗാളില് ബിജെപിയുടെ വിജയം 293ല് 200ന് അരികിലേക്ക് നീങ്ങുകയാണ്. 2021ല് വെറും 77 സീറ്റില് നന്നാണ് ബിജെപിയുടെ ഈ വിജയം എന്നോര്ക്കണം.
മമത ബാനര്ജിയെ വെല്ലുവിളിച്ചുകൊണ്ട് ഇദ്ദേഹം മമതയുടെ കോട്ടയായ ഭവാനിപൂരിലും മത്സരിച്ചിരുന്നെങ്കിലും ഇവിടെ മമത മുന്നിലാണ്. ധൈര്യമുണ്ടെങ്കില് ഭവാനിപൂരില് മത്സരിക്കൂ എന്ന് മമത വെല്ലുവിളിച്ചപ്പോള് ആ വെല്ലുവിളി സ്വീകരിച്ച് ഭവാനിപൂരിലും ചെന്ന് മത്സരിക്കാന് കാട്ടിയ തന്റേടം ബംഗാളില് ബിജെപിയുടെ ആത്മവിശ്വാസം ഉയര്ത്തിയിരുന്നു.
