തിരുവനന്തപുരം ബംഗാളില് സിപിഎം അക്കൗണ്ട് തുറക്കുമെന്ന സിപിഎം പൊളിറ്റ് ബ്യൂറോ ജനറല് സെക്രട്ടറി എം.എ.ബേബിയുടെ പ്രസ്താവന കേട്ട് ഊറിച്ചിരിച്ച് ജനം. 34 വര്ഷം ബംഗാള് ഉരുക്കുമുഷ്ടി കൊണ്ട് ഭരിച്ച് മുടിച്ച സിപിഎം ഇപ്പോള് അവിടെ അക്കൗണ്ട് തുറക്കുമെന്ന അവകാശവാദവുമായി രംഗത്ത് വരുന്നത് എത്രത്തോളം വിരോധാഭാസമാണെന്ന് ചൂണ്ടിക്കാണിക്കപ്പെടുന്നു.
കഴിഞ്ഞ ദിവസം സിപിഎം വനിതാ നേതാവ് ബൃന്ദകാരാട്ട് ബംഗാളില് ഇലക്ഷന് പ്രചരണത്തിന്റെ ഭാഗമായി നടത്തിയ പ്രസംഗത്തിന്റെ ഫോട്ടോയും വൈറലായിരുന്നു. ആയിരക്കണക്കിന് സഖാക്കള് തടിച്ചുകൂടിയ ഈ യോഗം സിപിഎമ്മിന്റെ ശക്തിവിളിച്ചോതുന്നുവെന്ന് മുഹമ്മദ് റിയാസ് പറഞ്ഞുവെന്ന ട്രോള് വലിയ തോതില് പങ്കുവെയ്ക്കപ്പെട്ടിരുന്നു. കാരണം ബൃന്ദകാരാട്ടിന്റെ പ്രസംഗം കേള്ക്കാന് ഏതാനും ആളുകളും പിന്നെ ഒഴിഞ്ഞ മൈതാനവുമായിരുന്നു ഉണ്ടായിരുന്നത് എന്ന് ഫോട്ടോ കണ്ടാല് അറിയാം.
എത്രത്തോളം ഗതികേടിലാണ് സിപിഎം എത്തിയിരിക്കുന്നത് എന്നതിന്റെ സൂചനയാണ് എം.എ. ബേബിയുടെ പ്രസ്താവനയും ബൃന്ദകാരാട്ടിന്റെ പ്രസംഗത്തിന്റെ ചിത്രവും.
