ദുബായ് : എണ്ണ ഉത്പാദക രാജ്യങ്ങളുടെ കൂട്ടായ്മയായ ഒപെകില് നിന്ന് യുഎഇ പിന്മാറി.മേയ് ഒന്നുമുതല് ഇത് പ്രാബല്യത്തിലാകും. ആഭ്യന്തര ഉത്പാദനം വര്ധിപ്പിക്കുക ലക്ഷ്യമിട്ടാണ് പിന്മാറ്റമെന്നാണ് വിശദീകരണം.
അതിനിടെ ജിദ്ദയില് ഗള്ഫ് രാജ്യങ്ങളുടെ അസാധാരണ കൗണ്സില് ഉച്ചകോടി ചേര്ന്നു. മേഖലയിലെ പുതിയ രാഷ്ട്രീയ-സുരക്ഷാ സാഹചര്യങ്ങള് വിലയിരുത്തി.
കുറച്ചു നാളുകളായി ഒപെക്കുമായി നല്ല ബന്ധത്തിലല്ല യുഎഇ. റഷ്യ ഉള്പ്പെടെയുള്ള രാജ്യങ്ങളുള്ള ഒപെക് പ്ലസില് നിന്നും യുഎഇ പിന്മാറി.സ്വതന്ത്ര ഉല്പാദനമാണ് യുഎഇ ലക്ഷ്യമിടുന്നത്. ഇതുമായി ബന്ധപ്പെട്ട് യുഎഇ പഠനം നടത്തിയിട്ടുണ്ട്. രാജ്യ താത്പര്യം മുന്നിര്ത്തി കൂടുതല് ഉല്പാദനം നടത്താന് കഴിയുമെന്ന് പഠനത്തില് മനസിലാക്കിയാണ് യുഎഇയുടെ പുതിയ തീരുമാനം.
ആവശ്യകതയ്ക്കും വിപണി സാഹചര്യങ്ങള്ക്കും അനുസൃതമായി അധിക ഉല്പ്പാദനം വിപണിയിലെത്തിക്കുമെന്ന് യുഎഇ അധികൃതര് പസ്താവനയില് പറഞ്ഞു.
