കണ്ണൂര്: അഞ്ചരക്കണ്ടി ദന്തല് കോളജിലെ ബിഡിഎസ് വിദ്യാര്ഥി നിതിന് രാജിന്റെ മരണത്തില് രണ്ടാം പ്രതിയായ ഡോ. കെ.ടി. സംഗീത നമ്പ്യാര് അറസ്റ്റില്. കണ്ണൂര് എസിപി ആര്. ഹരിപ്രസാദിന്റെ മുന്നില് തിങ്കളാഴ്ച ഉച്ചയോടെയാണ് സംഗീത നമ്പ്യാര് ഹാജരായത്. തുടര്ന്ന് അധ്യാപികയുടെ അറസ്റ്റ് രേഖപ്പെടുത്തി വിട്ടയച്ചു.
തലശേരി സെഷന്സ് കോടതി സംഗീത നമ്പ്യാര്ക്ക് നേരത്തെ മുന്കൂര് ജാമ്യം അനുവദിച്ചിരുന്നു. സംഗീതയ്ക്ക് ജാമ്യം നിഷേധിക്കാന് മതിയായ തെളിവുകള് ഹാജരാക്കാന് കഴിയാത്തതിനാലാണ് കോടതി ജാമ്യം അനുവദിച്ചത്. ഈ സാഹചര്യത്തിലാണ് ചോദ്യം ചെയ്ത ശേഷം വിട്ടയച്ചത്.
താന് ജാതി അധിക്ഷേപം നടത്തിയിട്ടില്ലെന്നാണ് അധ്യാപിക അന്വേഷണ സംഘത്തിന് നല്കിയ മൊഴി. ഇവരെ വിശദമായി ചോദ്യം ചെയ്യാന് അന്വേഷണ സംഘം വീണ്ടും വിളിപ്പിച്ചേക്കും.
കേസിലെ ഒന്നാം പ്രതിയായ ഡോ എം കെ റാമിനായി സംസ്ഥാനത്തിന് അകത്തും പുറത്തും പൊലീസ് തെരച്ചില് നടത്തുന്നുണ്ട്.കര്ണാടകയിലും ആന്ധ്രയിലുമായി പൊലീസിന്റെ പ്രത്യേക അന്വേഷണ സംഘം മൂന്ന് സംഘങ്ങളായി തിരിഞ്ഞാണ് തെരച്ചില് നടത്തുന്നത്.ഡോ .റാമിന്റെ മുന്കൂര് ജാമ്യാപേക്ഷ കോടതി തളളിയിരുന്നു.
