ബലൂചിസ്ഥാന്‍ :ബലൂചിസ്ഥാന്‍ ലിബറേഷന്‍ ആര്‍മി(ബിഎല്‍എ) വെറും കരസേനയെ ആക്രമിക്കുന്ന കരസേനാ സംഘമാണെന്ന് കരുതിയാല്‍ നിങ്ങള്‍ക്ക് തെറ്റി.ഇപ്പോഴിതാ നാവികാക്രമണത്തിലും ബിഎല്‍എ പാകിസ്ഥാന് തലവേദന സൃഷ്ടിക്കുകയാണ്.
ഏതാനും ദിവസങ്ങള്‍ക്ക് മുന്‍പ് മൂന്ന് പാകിസ്ഥാന് പട്ടാളക്കാരെയാണ് അറബിക്കടലില്‍ വെച്ച് നടന്ന ഓപ്പറേഷനില്‍ ബിഎല്‍എ വധിച്ചത്. ഈ നാവികസേനയ്‌ക്ക് ബിഎല്‍എ നല്‍കിയിരിക്കുന്ന പേരെന്താണെന്ന് അറിയാമോ? ഹക്കല്‍ സേന. ഒരു സ്പീഡ് ബോട്ടില്‍ കുതിച്ചുചെന്നാണ് പാകിസ്ഥാന് കോസ്റ്റ് ഗാര്‍ഡിന്റെ ബോട്ടിന് നേരെ നിറയൊഴിക്കുന്നത്.
പാകിസ്ഥാന്റെ പട്രോളിംഗില്‍ ഏര്‍പ്പെടുന്ന ഒരു കോസ്റ്റ് ഗാര്‍ഡ് ബോട്ടിലുണ്ടായിരുന്ന മൂന്ന് പാക് സൈനികര്‍ കൊല്ലപ്പെട്ടു. ഇതിന്റെ വീഡിയോയും ബിഎല്‍എ പുറത്തുവിട്ടിരുന്നു.
