തിരുവനന്തപുരം: ഡബ്ബിങ്ങ് ആര്ട്ടിസ്റ്റ് ഭാഗ്യലക്ഷ്മി വോട്ടെടുപ്പിന് മുന്പേ അഖില് മാരാരെ തോല്പിക്കണമെന്ന പ്രസ്താവനയുമായി വന്നിരുന്നെങ്കില് അഖില് മാരാര് കുറഞ്ഞത് പതിനായിരം വോട്ടുകള്ക്കെങ്കിലും ജയിക്കുമായിരുന്നെന്ന് യുവരാജ് ഗോകുല്. അഖില് മാരാര് ജനപ്രതിനിധിയായാല് സ്ത്രീകള്ക്ക് ഒരു ഗുണവുമുണ്ടാകില്ലെന്നും അഖില് മാരാര് തോല്ക്കണമെന്നും പറഞ്ഞ് കഴിഞ്ഞ ദിവസം ഭാഗ്യലക്ഷ്മി രംഗത്ത് വന്നിരുന്നു.
സ്ത്രീകള് പ്രസവം ആസ്വദിക്കുന്നു എന്ന രീതിയില് അഖില് മാരാര് നടത്തിയ പ്രസ്താവനയുടെ പേരിലാണ് ഭാഗ്യലക്ഷ്മി അഖില്മാരാര്ക്കെതിരെ വിമര്ശനവുമായി രംഗത്തെത്തിയത്. എന്നാല് തന്റെ പ്രസ്താവന തെറ്റായി വ്യാഖ്യാനിക്കപ്പെട്ടതാണെന്ന് പറഞ്ഞ് അഖില് മാരാര് വിശദീകരിച്ചിരുന്നു.
ദിലീപിനെതിരെ സ്ത്രീപീഢനമെന്ന പേരില് ആഞ്ഞടിച്ച ഭാഗ്യലക്ഷ്മി പക്ഷെ രഞ്ജിത്തിനെതിരെ രംഗത്ത് വരികയേയുണ്ടായില്ല. ഇതിന്റെ പേരില് അഖില് മാരാര് ഭാഗ്യലക്ഷ്മിയെ ശക്തമായി വിമര്ശിച്ചിരുന്നു. ഇതിന് ശേഷം അഖില് മാരാര്ക്കെതിരെ തുടര്ച്ചയായി വിമര്ശനങ്ങളുമായി രംഗത്ത് വരികയാണ് ഭാഗ്യലക്ഷ്മി.
