തിരുവനന്തരപുരം: തന്റെ വേദനയ്ക്കുള്ള മറുപടി മോദി സർക്കാർ നൽകിയിട്ടുണ്ടെന്ന് പഹല്ഗാം ആക്രമണത്തില് കൊല്ലപ്പെട്ട രാമചന്ദ്രന്റെ മകള് ആരതി. ഇടപ്പള്ളിയില് രാമചന്ദ്രന്റെ മരണത്തിന്റെ ഒന്നാം വാര്ഷികച്ചടങ്ങില് സംസാരിക്കുകയായിരുന്നു മകള് ആരതി.
“ഭാരതം നൽകിയ തിരിച്ചടിയിൽ അഭിമാനിക്കുന്നു. ഇതാണ് പുതിയ ഭാരതം”- ആരതി ചൂണ്ടിക്കാട്ടുന്നു.
പഹല് ഗാമില് രാമചന്ദ്രന് വെടിയേല്ക്കുമ്പോള് ആരതിയും കൂടെ ഉണ്ടായിരുന്നു. ആരതിയുടെ കണ്മുന്പിലായിരുന്നു രാമചന്ദ്രന് വെടിയേറ്റത്.
“”പാകിസ്ഥാന് പറയുന്നതുപോലെ ഇന്ത്യയ്ക്ക് രക്തമൊലിപ്പിക്കുന്ന ആയിരം മുറിവുകള് നല്കാന് ഒരിയ്ക്കലും അവര്ക്ക് കഴിയില്ല. ഓപ്പറേഷന് സിന്ദൂറില് ഇന്ത്യ പഹല്ഗാം ഭീകരാക്രമണത്തില് കൃത്യമായ മറുപടി നല്കി. ലോകത്തിന് തന്നെ അത് മനസ്സിലാകുന്നുണ്ട്. ഇതില് എനിക്ക് അഭിമാനമുണ്ട്”.- ആരതി പറയുന്നു.
