കോഴിക്കോട് : വേനല്ച്ചൂട് ഉയരുന്ന പശ്ചാത്തലത്തില് സംസ്ഥാനത്ത് വിവിധയിടങ്ങളില് ആളുകള്ക്ക് പൊള്ളലേറ്റു. ബൈക്കില് സഞ്ചരിക്കുന്നതിനിടെ കോഴിക്കോടും കൊടുവള്ളിയിലും രണ്ട് യുവാക്കള്ക്ക് സൂര്യാതപമേറ്റു.
കൊടുവള്ളിയില് അമല് ഷാജിനാണ് സൂര്യാതപമേറ്റത്. കാരന്തൂരില് നിന്നും വീട്ടിലേക്ക് വരുന്ന വഴി കൊടുവള്ളിയില് വെച്ചാണ് കൈകളില് പൊള്ളലേറ്റത്.കളരാന്തിരി ഹെല്ത്ത് സെന്ററില് ചികിത്സ തേടി.
കോഴിക്കോട് കാരാളിപ്പറമ്പ് സ്വദേശി ആര്യംപറമ്പത്ത് അബ്ദുല് ജലീലിനും സൂര്യാതപമേറ്റു.ബൈക്കില് പോകുമ്പോള് ചെറുവാടി വയലിന്റെ ഭാഗത്തു വച്ച് പൊളളലേല്ക്കുകയായിരുന്നു.രണ്ട് കൈകളിലും കാലിലും പൊള്ളലേറ്റു. ചെറുവാടി ഹെല്ത്ത് സെന്ററില് ചികിത്സ തേടി.
കൊല്ലം കുന്നിക്കോട് വയോധികനെ വീടിന് സമീപമുള്ള കൃഷിസ്ഥലത്ത് മരിച്ച നിലയില് കണ്ടെത്തി. കുന്നിക്കോട് സ്വദേശി തെങ്ങുംതറയില് ബേബി (84) ആണ് മരിച്ചത്. ഉച്ചയ്ക്ക് 12 മണിയോടെ കൃഷിയിടത്തിലെ ചാലില് ആണ് മരിച്ച നിലയില് കാണപ്പെട്ടത്.മൃതശരീരത്തിന്റെ ഇരു കൈകളിലും വലിയ രീതിയില് പൊള്ളലേറ്റ് തൊലി ഇളകിയ നിലയിലാണ്.മൃതദേഹം പുനലൂര് താലൂക്ക് ആശുപത്രി മോര്ച്ചറിയില് . പോസ്റ്റ്മോര്ട്ടത്തിന് ശേഷമേ മരണകാരണം അറിയാന് കഴിയു.
കണ്ണൂരില് ചെറുപുഴയില് കിണറ്റില് നിന്ന് വെള്ളം എടുക്കവെ മധ്യവയസ്കന് സൂര്യാതപമേറ്റു. ചെറുപുഴ കാഞ്ഞിരത്താംകുന്ന് സ്വദേശി ബെന്നിക്കാണ് സൂര്യാതപമേറ്റത്.
