കോഴിക്കോട്:എസ്ഐയുടെ വീട്ടില്‍ മോഷണം നടത്തിയ യുവാവ് പിടിയിലായി. മുക്കം സ്റ്റേഷനിലെ എസ്ഐ താമസിക്കുന്ന വീട്ടിലാണ് മോഷണം. എസ്ഐയുടെ ഒപ്പം താമസിക്കുന്ന യുവാവാണ് മോഷ്ടാക്കളെ കണ്ടത്.
തങ്ങളെ കണ്ടെന്ന് മനസിലാക്കിയതോടെ ഓടി രക്ഷപ്പെടാന്‍ ശ്രമിച്ച മൂന്നംഗസംഘത്തിലെ ഒരാളെ എസ്ഐയുടെ ഒപ്പം താമസിക്കുന്ന സനീഷ് പിടികൂടി. അരിക്കോട് സ്വദേശിയായ മിയാസ്
ബാബുവാണ് പിടിയിലായത്.
പകല്‍ സമയത്ത് വീടിന്റെ പിന്നിലെ വാതില്‍ പൊളിച്ചാണ് മോഷ്ടാക്കള്‍ അകത്ത് കയറിയത്. 8500 രൂപ നഷ്ടപ്പെട്ടിട്ടുണ്ട്. ലാപ് ടോപ് അടക്കമുള്ള മറ്റു സാധനങ്ങള്‍ കൊണ്ടുപോകാന്‍ ശ്രമിച്ചെങ്കിലും കഴിഞ്ഞില്ല. പൊലീസ് ക്വാര്‍ട്ടേഴ്സ് ആണെന്ന് അറിയാതെയാണ് കയറിയതെന്നാണ് മിയാസ് ബാബു പൊലീസിനോട് പറഞ്ഞത്. പ്രതി മദ്യലഹരിയിലായിരുന്നു. മറ്റ് പ്രതികള്‍ക്കായി അന്വേഷണം ഊര്‍ജിതമാക്കിയെന്നും പൊലീസ് പറഞ്ഞു.
