ആലുവ : അടിപിടിയിൽ പരിക്കു പറ്റി ചികിൽസയിൽ കഴിഞ്ഞിരുന്ന നേപ്പാൾ സ്വദേശി മരണപ്പെട്ടു. പ്രതി അറസ്റ്റിൽ. നേപ്പാൾ താപ്പാ സ്വദേശി പൂർണ ബഹദൂർ ബട്ടാരി (26) യെയാണ് ആലുവ പോലീസ് അറസ്റ്റ് ചെയ്തത്. മാർച്ച് 26ന് ആലുവ കെ.എസ്.ആർ ടി സി ബസ് സ്റ്റാൻറിനു സമീപത്തുവച്ച് അടിപിടിയിൽ പരിക്കു പറ്റിയതിനെ തുടർന്ന് ആലുവ ജില്ലാ ആശുപത്രിയിലും എറണാകുളം മെഡിക്കൽ കോളേജ് ആശുപത്രിയിലും പ്രവേശിപ്പിച്ചു.
തുടർന്ന് തൃശ്ശൂർ മെഡിക്കൽ കോളേജ് ആശുപത്രിയിൽ ചികിൽസയിൽ കഴിഞ്ഞു വന്നിരുന്ന നേപ്പാൾ സ്വദേശിയാണ് മരണമടഞ്ഞത്. സുരാജ് പാക്രിൻ ( Suraj Pakrin)എന്നാണ് പേര് എന്ന് പറയപ്പെടുന്നു. സരള , തമാങ് , ലാൽ ചന്ദൻ , ഘനശ്യാം, ചിരിങ് , ശ്രെരാജ്, ചന്ദ്രമായ, ജാസ്മിൻ, പ്രിയൻസു എന്നിങ്ങനെ പേരുകൾ കയ്യിൽ ഇയാളുടെ വലതു കയ്യിൽ എന്നീ പേരുകൾ പച്ച കുത്തിയിട്ടുണ്ട്.
മൃതദേഹം പോലീസ് നടപടികൾക്കു ശേഷം തൃശ്ശൂർ മെഡിക്കൽ കോളേജ് ആശുപത്രി മോർച്ചറിയിൽ സൂക്ഷിച്ചിട്ടുള്ളതാണ്. ഇയാളെ കുറിച്ച് എന്തെങ്കിലും വിവരങ്ങൾ അറിയാവുന്നവർ ആലുവ ഈസ്റ്റ് പോലീസ് സ്റ്റേഷനുമായി ബന്ധപ്പെടുക.
ഇൻസ്പെക്ടർ – 9497987114
പോലീസ് സ്റ്റേഷൻ – 04842624006
