കൊച്ചി: കംബോഡിയയില് കോള് സെന്ററില് ജോലി വാഗ്ദാനം ചെയ്ത് യുവതികളെ അനധികൃതമായി വിദേശത്തേക്ക് കടത്തി തട്ടിപ്പ് നടത്തിയ കേസിലെ പ്രതി പിടിയില്. കൊല്ലം ശക്തികുളങ്ങര നന്മ നഗര് ജബനീല് വീട്ടില് ലിയോണ് ജേക്കബിനെയാണ് കൈനടി പൊലീസ് അറസ്റ്റ് ചെയ്തത്.
വാഗ്ദാനം ചെയ്ത ജോലി നല്കാതെ വഞ്ചിച്ചതോടെ നാട്ടിലേക്ക് മടങ്ങാന് തയാറെടുത്ത യുവതികളില്നിന്ന് ഇയാള് പണം ഈടാക്കുകയും ചെയ്തിരുന്നു. പൊലീസ് അന്വേഷണത്തില് പ്രതി വിദേശത്താണെന്ന് വ്യക്തമായതിനെത്തുടര്ന്ന് ഇയാള്ക്കെതിരെ നേരത്തെ ലുക്കൗട്ട് നോട്ടീസ് പുറപ്പെടുവിച്ചിരുന്നു.പിന്നാലെ നാട്ടിലേക്ക് മടങ്ങിയെത്തിയ ഇയാളെ നെടുമ്പാശേരി വിമാനത്താവളത്തില് സുരക്ഷാസേന തടഞ്ഞുവച്ചു കൈനടി പൊലീസിനെ വിവരമറിയിക്കുകയായിരുന്നു.
രാമങ്കരി കോടതിയില് ഹാജരാക്കിയ പ്രതിയെ 14 ദിവസത്തേക്ക് റിമാന്ഡ് ചെയ്തു.
