കൊല്ലം: കല്ലുവാതുക്കലില്‍ നിര്‍മാണം നടക്കുന്ന കെട്ടിടത്തില്‍ വയോധികന്‍ മരിച്ച നിലയില്‍.പാരിപ്പള്ളി പുലിക്കുഴിക്ക് സമീപം തൊളിക്കോട് ചരുവിള വീട്ടില്‍ രവീന്ദ്രന്‍ (65) ആണ് മരിച്ചത്.
കുടുംബവുമായി അകന്നു കഴിഞ്ഞിരുന്ന ആളാണ് രവീന്ദ്രന്‍ .കല്ലുവാതുക്കല്‍, പാരിപ്പള്ളി ഭാഗങ്ങളില്‍ അലഞ്ഞുതിരിഞ്ഞു നടക്കാറുള്ള ആളാണ് ഇദ്ദേഹമെന്ന് നാട്ടുകാര്‍ പറയുന്നു. രാത്രി ഒഴിഞ്ഞ കെട്ടിടങ്ങളില്‍ കിടന്നുറങ്ങുന്നതാണ് രീതി.
രക്തം വാര്‍ന്ന നിലയില്‍ ആയിരുന്നു മൃതദേഹം.അതിനാല്‍ മരണം വീഴ്ച മൂലമാണോ ദുരൂഹതയുണ്ടോ എന്ന് പൊലീസ് അന്വേഷിക്കുന്നുണ്ട്. മൃതദേഹം പാരിപ്പള്ളി മെഡിക്കല്‍ കോളജ് മോര്‍ച്ചറിയില്‍. പോസ്റ്റ്മോര്‍ട്ടത്തിന് ശേഷമേ മരണകാരണം വ്യക്തമാകൂ.
