ന്യൂദല്ഹി: തെരഞ്ഞെടുപ്പ് ഫലം വരും മുന്പേ മുഖ്യമന്ത്രി ആരാകുമെന്നതിനെ ചൊല്ലി കോണ്ഗ്രസില് പൊട്ടിപ്പുറപ്പെട്ട ചര്ച്ചകളെ ന്യായീകരിച്ച് മുന് കെപിസിസി പ്രസിഡന്റ് കെ. സുധാകരന്. ഫലം വരുംമുമ്പ് മുഖ്യമന്ത്രി ചര്ച്ചകള് നേരത്തേയും നടന്നിട്ടുണ്ട്. വ്യക്തികളല്ല, പാര്ട്ടിയാണ് തീരുമാനം എടുക്കുക, കെ. സുധാകരന് മാധ്യമങ്ങളോട് പറഞ്ഞു.
കെ.സി. വേണുഗോപാലിനെ മുഖ്യമന്ത്രി സ്ഥാനത്തേക്ക് നിര്ദേശിക്കുന്ന സുധാകരന്റെ ഫെയ്സ്ബുക്ക് പോസ്റ്റ് വലിയ ചര്ച്ചയായിരുന്നു.
മുഖ്യമന്ത്രി ചര്ച്ചകള് നടക്കട്ടെ. ചര്ച്ചകള് നടന്നാലല്ലേ തീരുമാനങ്ങള് വരൂ. തീരുമാനം വന്നാലല്ലേ കാര്യങ്ങള് നടക്കൂ’ എന്നായിരുന്നു സുധാകരന്റെ മറുപടി. മുഖ്യമന്ത്രി ചര്ച്ചകള് നിര്ത്തണമെന്ന ലീഗിന്റെയും കെപിസിസിയുടേയും നിര്ദേശങ്ങള് സുധാകരന് തള്ളി.
കേരളത്തില് മുമ്പൊന്നും തെരഞ്ഞെടുപ്പ് നടന്നിട്ടില്ലേ? ഫലം വരും മുമ്പ് ചര്ച്ച തുടങ്ങാറില്ലേ? ചര്ച്ച നടക്കാറുണ്ട്. പുതിയ പത്രക്കാര്ക്ക് അത് അറിയില്ല. പാരമ്പര്യം ഇല്ലാത്തവരാ ഈ വര്ത്തമാനം പറയുന്നത്, മുഖ്യമന്ത്രിയേപ്പറ്റി ചര്ച്ച ചെയ്തതുകൊണ്ട് ഫലമുണ്ട്. സംസാരിച്ചാല് അല്ലേ റിസള്ട്ട് ഉണ്ടാകുകയുള്ളൂ. ഫലം വരുന്നതിന് മുമ്പ് നടത്തുന്ന ചര്ച്ച പാ
ര്ട്ടിക്ക് എന്ത് ക്ഷീണമാണ് ചെയ്യുന്നത്? പാര്ട്ടിയാണ് ചര്ച്ച ചെയ്യുന്നത്. വ്യക്തികളല്ല. പാര്ട്ടി ചര്ച്ച ചെയ്യുമ്പോള് തീരുമാനങ്ങളില് എന്താണ് പ്രശ്നം. ഫലം വന്ന് ചര്ച്ച നടത്തുന്നവരും ഉണ്ട്, ഫലം വരുന്നതിന് മുമ്പ് ചര്ച്ച നടത്തുന്നവരും ഉണ്ട്. ജനാധിപത്യ സംവിധാനത്തില് എല്ലാര്ക്കും അതിനൊരു വഴിയുണ്ട്. അഭിപ്രായം പറയാന് സ്വാതന്ത്ര്യമുള്ള പാര്ട്ടിയാണ് കോണ്ഗ്രസ്. പറഞ്ഞത് സ്വീകരിക്കാന് പറ്റുന്നവര്ക്ക് അത് സ്വീകരിക്കാം. സ്വീകരിക്കാന് പറ്റാത്തവര്ക്ക് സ്വീകരിക്കണ്ട. തീരുമാനം എടുക്കുന്നത് വരെ മുഖ്യമന്ത്രി ചര്ച്ചയാവാം, അദ്ദേഹം പറഞ്ഞു.
