ന്യൂദല്‍ഹി: ലോക് സഭയില്‍ വനിതാ സംവരണബില്ലിനെ വോട്ടെടുപ്പില്‍ എതിര്‍ത്ത് തോല്‍പിച്ച കോണ്‍ഗ്രസും കമ്മ്യൂണിസ്റ്റുകളും ഇനി രാജ്യത്തെ വനിതകളുടെ പ്രതിഷേധത്തിന് മുന്നില്‍ തകര്‍ന്നടിയും. രാജ്യവ്യാപകമായിസംഘടിപ്പിക്കുന്ന വനിതാ പ്രതിഷേധങ്ങളിലൂടെ കോണ്‍ഗ്രസ് ഉള്‍പ്പെടെയുള്ള വനിതാവിരോധികളായ പ്രതിപക്ഷപാര്‍ട്ടികളെ നിലയ്‌ക്കുനിര്‍ത്താന്‍ തന്നെയാണ് ബിജെപിയുടെ പദ്ധതി. വനിതകള്‍ക്ക് ലോക് സഭയില്‍ 33 ശതമാനം സംവരണം നിര്‍ബന്ധമാക്കുന്ന ബില്ലിനെയാണ് ഇവര്‍ വോട്ടെടുപ്പിലൂടെ തോല്‍പിച്ചത്.
ബില്‍ പരാജയപ്പെട്ടത് 7.45നാണ്. എന്നാല്‍ എട്ട് മണിയോടെ ബിജെപി വനിതാ എംപിമാര്‍ പാര്ലമെന്റിന് മുന്‍പില്‍ അതിശക്തമായ പ്രതിഷേധം സംഘടിപ്പിച്ചിരുന്നു. ഇത് കണ്ട് കോണ്‍ഗ്രസും മറ്റ് പ്രതിപക്ഷപാര്‍ട്ടികളും നടുങ്ങി.
പക്ഷെ ഇത് ഒരു തുടക്കം മാത്രമാണ്. വരും നാളുകളില്‍ വനിതാസംവരണത്തിന് വേണ്ടി വന്‍ സ്ത്രീപ്രക്ഷോഭങ്ങളാണ് ഉയരാന്‍ പോകുന്നത്. ഈ പ്രക്ഷോഭങ്ങള്‍ക്ക് പിന്തുണയായി മുന്‍പില്‍ മോദിയും ഉണ്ടാകും. ഈ സ്ത്രീമുന്നേറ്റം തടയാന്‍ രാഹുല്‍ ഗാന്ധിയ്‌ക്കോ മറ്റ് പ്രതിപക്ഷപാര്‍ട്ടികള്‍ക്കോ ആകുമെന്ന് തോന്നുന്നില്ല.
