കൊച്ചി: ഇന്ത്യയിലെ പ്രമുഖ വാഹന നിര്‍മ്മാതാക്കളായ ടാറ്റ മോട്ടോര്‍സ് ലിമിറ്റഡ് ലക്നൗ പ്ലാന്റില്‍ നിന്ന് 10 ലക്ഷം വാണിജ്യ വാഹനങ്ങള്‍ ഉത്പാദിപ്പിച്ച് അവിസ്മരണീയ നേട്ടം കൈവരിച്ചു. 1992-ല്‍ പ്രവര്‍ത്തനം ആരംഭിച്ച ഈ പ്ലാന്റ് കഴിഞ്ഞ മൂന്ന് പതിറ്റാണ്ടിലേറെയായി ഉത്തര്‍പ്രദേശിലെ വ്യവസായിക വളര്‍ച്ച, സാമ്പത്തിക വളര്‍ച്ച, നൈപുണ്യ വികസനം, സുസ്ഥിരമായ ഉപജീവനമാര്‍ഗം എന്നിവയില്‍ വലിയ സംഭാവന നല്‍കി വരുന്നു. ഈ നേട്ടത്തിന്റെ ഭാഗമായി സീറോ എമിഷന്‍ ഇലക്ട്രിക്ക് ബസ് പുറത്തിറക്കിയതോടെ ഹരിത ഗതാഗതത്തിലേക്കുള്ള കമ്പനിയുടെ പ്രതിബദ്ധതയും വ്യക്തമാക്കുന്നു. സംസ്ഥാനത്തിന്റെ നെറ്റ് സീറോ 2070 ലക്ഷ്യത്തിനും ടാറ്റ മോട്ടോഴ്‌സിന്റെ 2045 നെറ്റ് സീറോ ലക്ഷ്യത്തിനും ഇത് പിന്തുണ നല്‍കുന്നു. ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്, ടാറ്റ സണ്‍സ് ലിമിറ്റഡ് ചെയര്‍മാന്‍ എന്‍. ചന്ദ്രശേഖര്‍ ഉപമുഖ്യമന്ത്രി ബ്രജേഷ് പഥക് ടാറ്റ മോട്ടോഴ്സ് ലിമിറ്റഡ് മാനേജിംഗ് ഡയറക്ടറും ചീഫ് എക്സിക്യൂട്ടീവ് ഓഫീസറുമായ ഗിരീഷ് വാഗ് എന്നിവര്‍ ഇതിനോടനുബന്ധിച്ച് നടന്ന ചടങ്ങില്‍ പങ്കെടുത്തു.
ഏകദേശം 600 ഏക്കറില്‍ വ്യാപിച്ചിരിക്കുന്ന ലഖ്നൗ പ്ലാന്റ്, വര്‍ഷത്തില്‍ ഒരു ലക്ഷം വാഹനങ്ങള്‍ നിര്‍മ്മിക്കാന്‍ ശേഷിയുള്ള ആധുനിക ഉല്‍പാദന കേന്ദ്രമാണ്. 8,000-ത്തിലധികം തൊഴിലവസരങ്ങള്‍ സൃഷ്ടിക്കുന്ന ഈ പ്ലാന്റ്, 100% പുനരുപയോഗ ഊര്‍ജ്ജത്തില്‍ പ്രവര്‍ത്തിക്കുന്ന ”വാട്ടര്‍ പോസിറ്റീവ്” സൗകര്യവുമാണ്. നൈപുണ്യ വികസന പരിശീലനങ്ങള്‍, അപ്രന്റീസ്ഷിപ്പ് പദ്ധതികള്‍, ഉള്‍ക്കൊള്ളുന്ന തൊഴില്‍ അവസരങ്ങള്‍ എന്നിവയിലൂടെ പ്രാദേശിക സമൂഹങ്ങളുടെ സാമ്പത്തിക വളര്‍ച്ചയ്‌ക്കും ഈ യൂണിറ്റ് ശക്തമായ പിന്തുണ നല്‍കുന്നു.
സുസ്ഥിരതയും ആധുനിക സാങ്കേതികവിദ്യയും കൂട്ടിച്ചേര്‍ത്ത ഈ ഉല്‍പാദന കേന്ദ്രം, ഇന്ത്യയുടെ ഭാവി ഗതാഗത സംവിധാനങ്ങള്‍ കൂടുതല്‍ ശുദ്ധവും കാര്യക്ഷമവുമാക്കുന്നതില്‍ നിര്‍ണായക പങ്ക് വഹിക്കുന്നതായി അധികൃതര്‍ അറിയിച്ചു.
‘ലഖ്നൗ പ്ലാന്റില്‍ 10 ലക്ഷം വാഹനങ്ങള്‍ ഉല്‍പാദിപ്പിച്ചത് ഉത്തരപ്രദേശുമായുള്ള ഞങ്ങളുടെ ദീര്‍ഘകാല പങ്കാളിത്തത്തിന്റെ ശക്തിയെ പ്രതിഫലിപ്പിക്കുന്നു. വ്യവസായം, സര്‍ക്കാര്‍, സമൂഹം എന്നിവയുടെ സഹകരണത്തിലൂടെ ഉപജീവനവും നൈപുണ്യ വികസനവും സാധ്യമാക്കിയിട്ടുണ്ട്. തുടര്‍ച്ചയായ പിന്തുണയ്‌ക്ക് ഞങ്ങള്‍ സംസ്ഥാനത്തോടും മുഖ്യമന്ത്രിയോടും നന്ദി അറിയിക്കുന്നു. സുസ്ഥിരവും ഭാവിയിലേക്കുള്ള ഗതാഗത സംവിധാനത്തിനായി ഞങ്ങള്‍ പ്രതിജ്ഞാബദ്ധരാണെന്നും ടാറ്റ സണ്‍സ് ലിമിറ്റഡ് ചെയര്‍മാന്‍ എന്‍. ചന്ദ്രശേഖര്‍ പറഞ്ഞു.
