ഗുര്ഗവോണ്: റമദാന് മാസത്തില് കമ്പനിയുടെ കാന്റീനില് ദിവസേന ഇഫ്താര് പാര്ട്ടി നടന്നുവെന്നും ഇത് കണ്ടപ്പോള് മിനി പാകിസ്താനിലാണോ ജോലി ചെയ്യുന്നതെന്ന് തോന്നിയെന്ന് ടെക് മഹീന്ദ്ര സ്ഥാപനത്തില് ജോലി ചെയ്യുന്ന ഒരു ജീവനക്കാരന്റെ പരാതി. നാസിക്കിലെ ടിസിഎസ് കമ്പനിയിലെ ലവ് ജിഹാദ്, നിര്ബന്ധിത മതപരിവര്ത്തനം എന്നീ പരാതികള്ക്ക് ശേഷമാണ് ഇപ്പോള് ഗുര്ഗാവോണിലെ ടെക് മഹീന്ദ്ര സ്ഥാപനത്തില് നിന്നും അവിടെ ജോലി ചെയ്യുന്ന ഒരു ജീവനക്കാരന്റെ പരാതി ഉയര്ന്നിരിക്കുന്നത്.
ബോംബെ ഹൈക്കോടതിയിലെ അശുതോഷ് ദുബെ എന്ന അഭിഭാഷകനാണ് ഇക്കാര്യം വെളിപ്പെടുത്തിയത്. ടെക് മഹീന്ദ്രയുടെ ബിപിഒ കമ്പിനിയിലെ ജീവനക്കാരനില് നിന്നും തനിക്ക് ഇത്തരമൊരു പരാതി ലഭിച്ചുവെന്നും അശുതോഷ് ദുബെ വെളിപ്പെടുത്തി. അതേ സമയം ഇക്കാര്യം നിഷേധിച്ചുകൊണ്ട് ടെക് മഹീന്ദ്ര രംഗത്ത് വന്നു.
ടെക് മഹീന്ദ്രയില് ജീവനക്കാരെ ജോലിക്കെടുക്കുന്നതില് വിവേചനമുണ്ടെന്നും ഒരു പ്രത്യേക മതവിഭാഗത്തില്പ്പെട്ടവര്ക്ക് ഇവിടെ സകലവിധ സ്വാതന്ത്ര്യങ്ങളും അനുവദിക്കുന്നുവെന്നുമാണ് ഈ ജീവനക്കാരന് പരാതിപ്പെട്ടിരിക്കുന്നത്. ഉത്സവസമയങ്ങളില് ഹിന്ദുമതവിഭാഗത്തില് പെട്ടവരെ തീര്ത്തും അവഗണിക്കുകയാണെന്നും പറയപ്പെടുന്നു. അതേ സമയം റമദാന് കാലത്ത് മുസ്ലിം ജീവനക്കാര്ക്ക് എല്ലാ വിധ സ്വാതന്ത്ര്യങ്ങളും നല്കിയെന്നും കാന്റീനില് എല്ലാ ദിവസവും ഇഫ്താര് വിരുന്നുകള് നടന്നുവെന്നും ഇതെല്ലാം കണ്ട് താന് ഒരു മിനി പാകിസ്ഥാനിലാണോ ജോലി ചെയ്യുന്നതെന്ന് തോന്നിപ്പോയെന്നുമാണ് ജീവനക്കാര് പരാതിപ്പെട്ടത്. ഈ പരാതിയുടെ സ്ക്രീന്ഷോട്ടുകളും അഭിഭാഷകന് പുറത്തുവിട്ടിട്ടുണ്ട്.
