നാസിക്: നാസിക് ടാറ്റാ കണ്സള്ട്ടന്സി സര്വീസസിലെ നിര്ബന്ധിത മതപരിവര്ത്തനങ്ങളും ലൈംഗിക പീഡനങ്ങളും സംബന്ധിച്ച അന്വേഷണം ദേശീയ അന്വേഷണ ഏജന്സി (എന്ഐഎ) ആരംഭിച്ചു. മഹാരാഷ്ട്ര പോലീസിന്റെ പ്രത്യേക സംഘവും അന്വേഷിക്കുന്നു.
പോലീസെടുത്ത ഒന്പതു കേസുകളിലും എന്ഐയും അന്വേഷണം തുടങ്ങി. രാജ്യവിരുദ്ധ ശക്തികളും മതപരിവര്ത്തന ശക്തികളും ഇസ്ലാമിസ്റ്റുകളും ഇതിന് പിന്നിലുണ്ടെന്ന് വ്യക്തമായ സാഹചര്യത്തിലാണ് എന്ഐഎ കടന്നുവരവ്.
എച്ച്ആര് മാനേജര് നിത ഖാന് ഒളിവിലാണ്. ഒന്പത് കേസുകളില് ഒന്പത് പേരാണ് അറസ്റ്റിലായത്. ഇവരുടെ തീവ്രവാദ ബന്ധവും വിദേശ ഫണ്ട് ലഭിച്ചോ തുടങ്ങിയ കാര്യങ്ങളുമാണ് എന്ഐഎ പ്രധാനമായും അന്വേഷിക്കുന്നത്. ഹിന്ദു, ക്രിസ്ത്യന് പെണ്കുട്ടികളെ തിരഞ്ഞുപിടിച്ച് ജോലിക്കാര്യം പറഞ്ഞ് പീഡിപ്പിക്കുക, ലൈംഗികമായി ഉപദ്രവിക്കുക, ശാരീരിക ബന്ധത്തിന് ഭീഷണിപ്പെടുത്തുക, അവരെ ക്രമണേ വരുതിയിലാക്കുക, ഹിജാബ് ധരിപ്പിക്കുക, നമാസ് ചെയ്യിക്കുക എന്നിങ്ങനെയായിരുന്നു ഓപ്പറേഷന്. അതിനിടെ നിദ ഖാന് ചെങ്കോട്ടയിലെ ബോംബ് സ്ഫോടനക്കേസിലെ പ്രതികളുമായി ബന്ധമുണ്ടെന്ന റിപ്പോര്ട്ടുകളും പുറത്തുവന്നിട്ടുണ്ട്. ഇതും എന്ഐഎ അന്വേഷിക്കും. തികച്ചും ആസൂത്രിതമായ പദ്ധതി ഇതിന് പിന്നിലുണ്ടെന്നും ഗ്രൂമിങ് ഗാങ്ങാണ് ഇതിന്റെ നിര്വഹണമെന്നും സൂചനയുണ്ട്. പിടിയിലായ ഒന്പതു പേരും ഐടി പ്രൊഫഷണലുകളായ ഭീകരരാണെന്നാണ് സംശയം. കമ്പനിയുടെ റൂഫ് ടോപ്പിലാണ് ഹിന്ദു യുവതികളെ തീവ്രവാദികളായ ഐടിക്കാര് വേട്ടയാടി പീഡിപ്പിച്ചതും മതപരിവര്ത്തനത്തിന് ഭീഷണിപ്പെടുത്തിയതും.
അതിനിടെ നാസിക് ടിസിഎസിലെ വിവാദവുമായി ബന്ധപ്പെട്ട് മലേഷ്യന് മതപ്രബോധകനെ കണ്ടെത്താനും ശ്രമമുണ്ട്. ഇയാളാണ് ഇതിന് പിന്നിലെ കരങ്ങളില് ഒന്നെന്ന് വ്യക്തമായി. ഇയാളുമായുള്ള സംഭാഷണങ്ങളുടെ ഡേറ്റാ പുറത്തുവന്നു. ഇമ്രാനെന്നാണ് പേരെന്ന് കരുതുന്നത്. അറസ്റ്റിലായവരുടെ വാട്ട്സാപ്പില് നിന്ന് ഇയാളുടെ സന്ദേശങ്ങള് കണ്ടെത്തി. വിദേശത്ത് അവസരങ്ങളുണ്ടെന്നു പറഞ്ഞ് ഇരകളെ വീഡിയോ കോള് വഴി പാട്ടിലാക്കുന്നത് ഇയാളായിരുന്നു.
