ന്യൂദല്ഹി: സാധാരണ ഗ്യാസ് സ്റ്റവ് കത്തുന്നതുപോലെ തീനാളത്തോടെ കത്തുന്ന പ്ലാസ്മ സ്റ്റവിന് ഇന്ത്യയില് പ്രിയമേറുന്നു. വൈദ്യുതിയിലാണ് പ്ലാസ്മ സ്റ്റവ് പ്രവര്ത്തിക്കുന്നതെങ്കിലും ഇതില് നിന്നും തീനാളങ്ങള് ഉണ്ടാകും. അതാണ് ജനങ്ങളെ പ്ലാസ്മ സ്റ്റവിലേക്ക് അടുപ്പിക്കുന്നത്.
പ്രഹ്ളാദ് ജോഷി എന്നയാളാണ് ഈയിടെ പ്ലാസ്മ സ്റ്റവ് പരിചയപ്പെടുത്തിയത്. എപിഎപിഎല് പ്ലാസ്മ സ്റ്റവിലെ കുക്കിംഗ് പ്രകൃതി സൗഹൃദ പാചകം ഉറപ്പാക്കുന്നു. ഇന്ഡക്ഷന് കുക്കര് വൈദ്യുതിയില് കോയില് പഴുത്ത് പാത്രത്തിലേക്ക് ചൂടു പകരുന്നതുപോലെയുള്ള സാങ്കേതികവിദ്യയല്ല. പ്ലാസ്മ സ്റ്റവ് വൈദ്യുതിയിലാണ് പ്രവര്ത്തിക്കുകയെങ്കിലും അതില് നിന്നും തീനാളം ഉയരും. ഈ നാളത്തിലാണ് കറിയും ചോറും വേവുക. അതായത് സാധാരണ ഗ്യാസടുപ്പ് പോലെയുള്ള അനുഭവം.
പ്ലാസ്മ ആര്ക് ടെക്നോളജിയിലാണ് ഇത് പ്രവര്ത്തിക്കുക. വൈദ്യുതി വായുവിനെ അയണൈസ് ചെയ്യും എന്നതാണ് ഇതിന്റെ സാങ്കേതികവിദ്യ. അതുവഴിയാണ് നല്ല ചൂടുള്ള തീനാളം ഉണ്ടാവുന്നത്. അതായത് വൈദ്യുതി വായുവിനെ അയണൈസ് ചെയ്ത് പ്ലാസ്മ തീനാളം ഉണ്ടാക്കും. ഗ്യാസടുപ്പ് പോലെ പെട്ടെന്ന് കറിയും ചോറും ചൂടാക്കാന് പ്ലാസ്മ തീനാളത്തിന് സാധിക്കും.
