കണ്ണൂർ: പോളിങ് ബൂത്തിലെ ഗുരുതരമായ ചട്ട ലംഘനത്തിന് കോൺഗ്രസ് നേതാവ് കെ. സുധാകരനെതിരെ പരാതി നൽകി യുവമോർച്ച. വോട്ട് ചെയ്യാൻ കയറിയത് അനുയായിക്കൊപ്പമെന്നാണ് പരാതി. കൂടെയുണ്ടായിരുന്ന ജയന്ത് ദിനേശനെതിരെയും പരാതി നൽകിയിട്ടുണ്ട്. യുവമോർച്ച ഉപാധ്യക്ഷൻ കെ. ഷിജിൽ ആണ് തെരഞ്ഞെടുപ്പ് കമ്മിഷന് പരാതി നൽകിയത്.
ബൂത്തിൽ ഫോൺ ഉപയോഗിച്ചു, സുധാകൻ വോട്ട് ചെയ്യുന്ന ദൃശ്യങ്ങൾ പകർത്തി എന്നീ ചട്ടലംഘനങ്ങൾ ചൂണ്ടിക്കാട്ടിയാണ് പരാതി നൽകിയിരിക്കുന്നത്. സംഭവത്തിന്റെ ദൃശ്യങ്ങൾ സഹിതമാണ് ഷിജിൽ തെരഞ്ഞെടുപ്പ് കമ്മീഷന് പരാതി നൽകിയത്.
കിഴുന്ന വെസ്റ്റ് യുപി സ്കൂളിലായിരുന്നു കെ. സുധാകരന് വോട്ട്. സുധാകരൻ ബൂത്തിൽ കയറിയ സമയത്ത് ഒപ്പമുണ്ടായിരുന്ന ജയന്ത് വീഡിയോ ചിത്രീകരിക്കുകയും വോട്ടിങ് മെഷീനടുത്തേക്ക് പോകുമ്പോൾ ജയന്തിനെ വിളിച്ച് സംസാരിക്കുകയും ചെയ്യുന്നതാണ് വീഡിയോയിലുള്ളത്.
