കൊല്ലം: ഈ വര്ഷത്തെ തൃശൂര് പൂരത്തിന് പൂര തിടമ്പേറ്റാന് തിരുവിതാംകൂര് ദേവസ്വം ബോര്ഡിന്റെ ഗജവീരന് തൃക്കടവൂര് ശിവരാജുവിനെ പാറമേക്കാവ് ദേവസ്വം ക്ഷണിച്ചു.
26 ന് നടക്കുന്ന പൂരത്തില് പ്രധാന തിടമ്പേറ്റാന് തൃക്കടവൂര് ശിവരാജുവിനെ അനുവദിക്കണമെന്ന് കാട്ടി ദേവസ്വം ബോര്ഡ് പ്രസിഡന്റ് കെ. ജയകുമാറിനും, ദേവസ്വം കമ്മിഷണര്ക്കും പാറമേക്കാവ് ദേവസ്വം സെക്രട്ടറി രാജേഷ് കത്ത് നല്കി. അപേക്ഷ ആനയുടെ ചുമതല വഹിക്കുന്ന അസി. കമ്മിഷണര്ക്ക് കൈമാറി. അതേസമയം ആനയെ പൂരത്തിന് ക്ഷണിച്ച പാറമേക്കാവ് ദേവസ്വത്തിന്റെ തീരുമാനം തൃക്കടവൂര് ക്ഷേത്രത്തിലെ എട്ടുകാരക്കാര് സ്വാഗതം ചെയ്തു. ആയിരക്കണക്കിന് വരുന്ന പൂരപ്രേമികളുടെ ചിരകാല ആഗ്രഹമായിരുന്നു തൃശൂര് പൂരത്തിന്റെ പ്രധാന തിടമ്പ് ശിവരാജുവിന് നല്കുക എന്നത്. ഉയരം കൊണ്ടും സ്വാഭാവിക നിലവ് കൊണ്ടും എഴുന്നള്ളത്താനയാണ് ശിവരാജു. ശിവരാജുവിനെ ഉത്സവങ്ങള്ക്ക് എഴുന്നള്ളിക്കാന് പൂര കമ്മിറ്റിക്കാര് മത്സരിക്കുന്നത് പതിവാണ്.
തിരുവിതാംകൂര് ദേവസ്വം ബോര്ഡിന്റെ ഗജനിരയിലെ ഒന്നാമന് ശിവരാജുവിനെ പൂരങ്ങളുടെ പൂരമായ തൃശൂര് പൂരത്തിന് തിടമ്പേറ്റാന് അവസരം ലഭിക്കുന്നത് തിരുവിതാംകൂര് ദേവസ്വം ബോര്ഡിന് അഭിമാനമാണെന്ന് തിരുവിതാംകൂര് ദേവസ്വം ബോര്ഡ് പ്രസിഡന്റ് ജയകുമാര് പറഞ്ഞു.
