പാലക്കാട്: കൊട്ടിക്കലാശത്തിനിടെ പട്ടാമ്പിയില് കല്ലേറും കൂട്ട അടിയും. എല്ഡിഎഫ്- യുഡിഎഫ് റാലികള് കടന്നു പോകുമ്പോഴാണ് സംഭവമുണ്ടായത്.
യുഡിഎഫ് പ്രവര്ത്തകര് എല്ഡിഎഫ് പ്രവര്ത്തകര്ക്ക് നേരെ കല്ലെറിഞ്ഞു. പിന്നാലെ കൂട്ടത്തല്ല് നടന്നു.
സംഭവത്തില് മൂന്ന് സിപിഎം പ്രവര്ത്തകര്ക്കും ഒരു യൂത്ത് കോണ്ഗ്രസ് പ്രവര്ത്തകനും ഒരു പൊലീസ് ഉദ്യോഗസ്ഥനും പരിക്കേറ്റു. പൊലീസ് ലാത്തി വീശിയാണ് സ്ഥിതിഗതികള് നിയന്ത്രിച്ചത്. പരിക്കേറ്റവരെ ആശുപത്രിയില് പ്രവേശിപ്പിച്ചു.
