കോഴിക്കോട് : സമുദായം പറഞ്ഞ് വോട്ട് ചോദിച്ചെന്ന് കാട്ടിയുളള പരാതിയില് പേരാമ്പ്ര മണ്ഡലത്തിലെ മുസ്ലീം ലീഗ് സ്ഥാനാര്ഥി ഫാത്തിമ തഹിലിയക്ക് തിരഞ്ഞെടുപ്പ് കമ്മീഷന്റെ നോട്ടീസ്. മണ്ഡലത്തിലെ മൂന്ന് വ്യക്തികളാണ് പരാതി നല്കിയത്. പേരാമ്പ്ര മണ്ഡലം ഉപവരണാധികാരിയാണ് നോട്ടീസ് നല്കിയത്.
വിശദീകരണം ആവശ്യപ്പെട്ട് ആണ് ഉപവരണാധികാരി നോട്ടീസയച്ചു.മണ്ഡലത്തില് എല് ഡി എഫ് പ്രവര്ത്തകര് വര്ഗീയ അനൗണ്സ്മെന്റ് നടത്തിയെന്ന വിവാദം പുകയുന്നതിനിടെയാണ് യു ഡി എഫ് സ്ഥാനാര്ത്ഥിക്കെതിരെയും സമാന പരാതി രേഖമൂലം റിട്ടേണിംഗ് ഓഫീസര്ക്ക് ലഭിച്ചത്.
അതേസമയം,പേരാമ്പ്രയില് എല്ഡിഎഫ് സ്ഥാനാര്ഥിയുടെ പ്രചാരണത്തിനിടെ നടത്തിയ വിവാദ അനൗണ്സ്മെന്റില് ടി.പി രാമകൃഷ്ണന് നോട്ടീസ് നല്കി.അനൗണ്സ്മെന്റ് മാതൃക പെരുമാറ്റ ചട്ടത്തിന്റെ ലംഘനമാണെന്ന പരാതിയിലാണ് വിശദീകരണം തേടിയത്. മാതൃകാ പെരുമാറ്റചട്ടത്തിന്റെ ചുമതലയുള്ള ഡെപ്യൂട്ടി കളക്ടറാണ് നോട്ടീസ് അയച്ചത്.
എന്നാല് നോട്ടീസ് ലഭിച്ചിട്ടില്ലൊണ് ടി.പി രാമകൃഷ്ണന് പറഞ്ഞത്. സംഭവത്തില് തെറ്റുപറ്റിയെങ്കില് തിരുത്തു. മതം പറഞ്ഞ് വോട്ടു പിടിക്കുന്നത് എല്ഡിഎഫ് രീതിയല്ലെന്നാണ് അദ്ദേഹത്തിന്റെ പക്ഷം! അന്വേഷണവുമായി സഹകരിക്കുമെന്നും പറഞ്ഞു
