തിരുവനന്തപുരം: സംസ്ഥാന വനിതാ കമ്മീഷന് അധ്യക്ഷയ്ക്ക് വാട്സാപിലൂടെ അശ്ലീല സന്ദേശങ്ങള് അയച്ച യുവാവ് അറസ്റ്റില്. കണ്ണൂര് തളിപ്പറമ്പ് കുരുമാത്തൂര് മുയ്യം സ്വദേശി പുത്തന്വീട്ടില് ജഗദീഷിനെ (37) ആണ് തിരുവനന്തപുരം സിറ്റി സൈബര് ക്രൈം പൊലീസ് അറസ്റ്റ് ചെയ്തത്.
ഇയാളുടെ മൊബൈല് ഫോണ് കസ്റ്റഡിയിലെടുത്തു പരിശോധിച്ചു.നിരവധി സ്ത്രീകള്ക്ക് സമാനമായ ദൃശ്യങ്ങളും സന്ദേശങ്ങളും അയച്ചതായി വ്യക്തമായി.
പ്രതിയെ അഡീഷണല് ചീഫ് ജുഡീഷ്യല് മജിസ്ട്രേട്ട് കോടതിയില് ഹാജരാക്കി റിമാന്ഡ് ചെയ്തു. ശാസ്ത്രീയ തെളിവുകളുടെ അടിസ്ഥാനത്തില് തളിപ്പറമ്പില് നിന്നാണ് പ്രതിയെ അറസ്റ്റ് ചെയ്തത്.
