കോഴിക്കോട്: കെഎസ്യു നേതാവിന്റെ വീട്ടില് ബോംബെറിഞ്ഞ കേസില് ജാമ്യത്തില് ഇറങ്ങിയ പ്രതികള്ക്ക് സിപിഎമ്മിന്റെയും ഡിവൈഎഫ്ഐയുടെയും സ്വീകരണം.പൊലീസിനെതിരെ മുദ്രാവാക്യം വിളിച്ച് പ്രകടനവും നടന്നു.
ആരോഗ്യമന്ത്രി വീണ ജോര്ജിനെതിരെ കരിങ്കൊടി കാണിച്ച കെഎസ്യു നേതാവിന്റെ വീട്ടിന് നേരെ ബോംബറിഞ്ഞ കേസിലെ പ്രതികള്ക്കാണ് ജയിലില് നിന്നിറങ്ങിയപ്പോള് സ്വീകരണം നല്കിയത്. മിഥുന്ലാല്, രൂപേഷ് എന്നിവരെ സിപിഎം പ്രാദേശിക നേതാക്കളും ഡിവൈഎഫ്ഐ പ്രവര്ത്തകരും ചേര്ന്നാണ് സ്വീകരിച്ചത്. ശേഷം പ്രകടനമായി ആനയിക്കുകയും ചെയ്തു. വടകര തോടന്നൂരിലാണ് സംഭവം.പ്രതികളില് ഒരാളായ മിഥുന്ലാല് സ്കൂള് അധ്യാപകനാണ്.
