കാസര്‍ഗോഡ്: മഞ്ചേശ്വരത്ത് മത്സരിക്കാന്‍ നാമനിര്‍ദേശ പത്രിക നല്‍കിയ എസ്ഡിപിഐ സ്ഥാനാര്‍ഥി കെ.എം. അഷ്റഫ് പിന്‍മാറി. മഞ്ചേശ്വരത്ത് ചേര്‍ന്ന എസ്ഡിപിഐ യോഗത്തിലാണ് സ്ഥാനാര്‍ഥിയെ പിന്‍വലിക്കാനുള്ള തീരുമാനം.
സ്ഥാനാര്‍ഥിത്വം പിന്‍വലിക്കാന്‍ സംസ്ഥാന നേതൃത്വം ആവശ്യപ്പെട്ടുവെങ്കിലും പ്രാദേശിക നേതൃത്വവും സ്ഥാനാര്‍ഥിയായ കെ.എം.അഷ്റഫും വിസമ്മതിച്ചു. പിന്നാലെ അഷ്റഫ് യോഗത്തില്‍ നിന്ന് ഇറങ്ങിപ്പോയി. തുടര്‍ച്ചയായി നടത്തിയ ചര്‍ച്ചയ്‌ക്ക് ശേഷമാണ് മത്സരിക്കുന്നില്ലെന്ന നിലപാടിലേക്ക് എസ്ഡിപിഐ എത്തിയത്.
എന്‍ഡിഎ കാലങ്ങളായി രണ്ടാം സ്ഥാനത്ത് എത്തുന്ന മണ്ഡലമാണ് മഞ്ചേശ്വരം. മുസ്ലിം ലീഗിലെ എ.കെ.എം.അഷ്റഫാണ് ഇവിടെ യുഡിഎഫ് സ്ഥാനാര്‍ഥി. യുഡിഎഫ് സ്ഥാനാര്‍ഥിയുടെ പേരിന് സമാനമായ പേരുള്ള കെ. എം.അഷ്റഫ് മത്സരിച്ചാല്‍ മുസ്ലീം വോട്ടുകള്‍ ഭിന്നിച്ചുപോകുമെന്നും ഇത് ബി ജെ പി സ്ഥാനാര്‍ത്ഥി കെ സുരേന്ദ്രന് ഗുണമാകുമെന്നുമുളള വിലയിരുത്തലില്‍ സ്ഥനാര്‍ത്ഥിയെ പിന്‍വലിക്കാന്‍ കോണ്‍ഗ്രസും വിവിധ മുസ്ലീം സംഘടനകളും എസ് ഡി പി ഐക്ക് മേല്‍ സമ്മര്‍ദ്ദം ചെലുത്തിയിരുന്നു.
വളരെ കുറച്ച് വോട്ട് വ്യത്യാസമേ മണ്ഡലത്തില്‍ യു ഡി എഫും എന്‍ ഡി എയും തമ്മിലുളളൂ.
