കൊല്ലം: തന്നെ കഴിഞ്ഞ തവണ തൃശൂരില് കാലുവാരിയത് പോലെ ഇത്തവണ കൊല്ലത്ത് ബിന്ദുകൃഷ്ണയെ കോണ്ഗ്രസുകാര് കാലുവാരുമെന്ന് ഉറപ്പുണ്ടെന്ന് പത്മജ വേണുഗോപാല്. കഴിഞ്ഞ നാല് തവണ മത്സരിച്ച ബിന്ദു കൃഷ്ണ ഇത് അഞ്ചാം തവണയാണ് മത്സരിക്കുന്നത്. നാല് തവണയും തോറ്റുപോയി. ഇത്തവണയും കോണ്ഗ്രസുകാര് ബിന്ദുകൃഷ്ണയുടെ കാല് വാരുമെന്നാണ് തോന്നുന്നതെന്ന് പത്മജ.
പിടിഐ വാര്ത്താ ഏജന്സി നടത്തിയ അഭിമുഖത്തില് സംസാരിക്കുകയായിരുന്നു പത്മജ. കോണ്ഗ്രസില് സ്ത്രീയായിപ്പോയാല് സ്ഥാനം കിട്ടില്ലെന്നും പത്മജ വേണുഗോപാല് പറഞ്ഞു.
കോണ്ഗ്രസില് സ്ത്രീകള്ക്ക് സീറ്റ് കൊടുക്കും. എന്നിട്ട് അവര് തന്നെ ആ സ്ഥാനാര്ത്ഥിയെ തോല്പിക്കും. അതാണ് പതിവ്. അല്ലെങ്കില് ലതിക സുഭാഷിനെപ്പോലെയുള്ള ഒരു നല്ല സ്ഥാനാര്ത്തിയെ വി.എസ്. അച്യുതാനന്ദന് എതിരെ മത്സരിപ്പിക്കുമോ? -പത്മജ ചോദിക്കുന്നു.
കോണ്ഗ്രസില് ഫൈറ്റ് ചെയ്യാന് ആണുങ്ങള്ക്ക് ധൈര്യമില്ല. സ്ത്രീകള് തോറ്റുകഴിഞ്ഞാല് പറയും നിങ്ങള്ക്ക് കഴിഞ്ഞ തവണ സീറ്റ് തന്നതാണല്ലോ എന്നിട്ട് തോറ്റില്ലേ എന്ന്. ഇതാണ് അവരുടെ മനോഭാവം. – പത്മജ വേണുഗോപാല് പറയുന്നു.
