ന്യൂദല്ഹി : രാജ്യത്ത് ആദ്യമായി ദയാവധത്തിന് വിധേയനായ ഹരിഷ് റാണയുടെ അവയവങ്ങള് ദാനം ചെയ്തു. അവയവങ്ങള് ദാനം ചെയ്യാന് കുടുംബം നേരത്തെ തന്നെ സന്നദ്ധത അറിയിച്ചിരുന്നു. ഹരീഷിന്റെ ഹൃദയവാല്വുകളും കോര്ണിയയുമാണ് ദാനം ചെയ്തത്. ദല്ഹിയില് ഇന്നായിരുന്നു ഹരീഷ് റാണയുടെ സംസ്കാരം.
ദല്ഹി ഗ്രീന് പാര്ക്ക് ശ്മശാനത്തില് മതാചാരപ്രകാരമാണ് ഹരീഷിന്റെ സംസ്കാര ചടങ്ങുകള് നടന്നത്.ജീവന്രക്ഷാ ഉപകരണങ്ങള് ഘട്ടം ഘട്ടമായി നീക്കിയതിനെ തുടര്ന്ന് കഴിഞ്ഞ ദിവസമാണ് ഹരീഷ് റാണ അന്തരിച്ചതായി ദല്ഹി എയിംസ് ആശുപത്രി സ്ഥിരീകരിച്ചത്.
പതിമൂന്ന് വര്ഷമായി യന്ത്രസഹായത്തോടെ ജീവന് നിലനിര്ത്തിയിരുന്ന 32 കാരന് ഹരീഷ് റാണയുടെ മാതാപിതാക്കളുടെ അപേക്ഷ പരിഗണിച്ചാണ് സുപ്രീം കോടതി ദയാവധത്തിന് അനുമതി നല്കിയത്. അന്തസായി മരിക്കാനുള്ള അവകാശം ഏതൊരു പൗരനുമുണ്ടെന്ന് ചൂണ്ടിക്കാട്ടിയാണ് മാര്ച്ച് 11 ലെ കോടതിയുടെ ചരിത്രപരമായ ഉത്തരവ്.കഴിഞ്ഞദിവസം വൈകിട്ട് 4.10 ഓടെയാണ് ഹരിഷ് റാണ അന്തരിച്ചത്.
