ന്യൂദല്‍ഹി: ഓപ്പറേഷന്‍ സിന്ദൂറില്‍ പാകിസ്ഥാനെ മുട്ടില്‍ വീഴ്‌ത്തിയ ബ്രഹ്മോസ് മിസൈലിന്റെ കയറ്റുമതിയിലൂടെ മാത്രം ഈ ദശാബ്ദത്തിനൊടുവില്‍ ഇന്ത്യയ്‌ക്ക് 500 കോടി ഡോളര്‍ (ഏകദേശം 46,241 കോടി ഡോളര്‍) നേടിയെടുക്കാനാകുമെന്ന് കണക്കുകൂട്ടല്‍. ഓപ്പറേഷന്‍ സിന്ദൂറിന്റെ കാലത്ത് വെറും സൂപ്പര്‍ സോണിക് (ശബ്ദത്തിന്റെ മൂന്ന് മടങ്ങ് വരെ വേഗത) ആയിരുന്ന ബ്രഹ്മോസ് ഇപ്പോള്‍ ബ്രഹ്മോസ് എന്‍ജി എന്ന പേരിലുള്ള പുതിയ ഹൈപ്പര്‍ സോണിക് മിസൈല്‍ (ശബ്ദത്തേക്കാള്‍ അഞ്ച് മടങ്ങിലധികം വേഗത) പതിപ്പ് പുറത്തിറങ്ങാന്‍ പോവുകയാണ്. ഇതും ബ്രഹ്മോസിനോടുള്ള ആകര്‍ഷണം വര്‍ധിപ്പിക്കുന്നു. ഏഷ്യ മുതല്‍ ലാറ്റിനമേരിക്ക വരെയുള്ള നിരവധി രാജ്യങ്ങള്‍ ബ്രഹ്മോസ് വാങ്ങാനുള്ള കരാറില്‍ ഒപ്പുവെയ്‌ക്കുന്നതിന്റെ അന്തിമചര്‍ച്ചകളിലാണ്.
ബ്രഹ്മോസ് എന്‍ജി എന്ന പുതുതലമുറ ബ്രഹ്മോസിന്റെ ഭാരം 1360 കിലോഗ്രാം മാത്രമാണ്. 2026ല്‍ തന്നെ ബ്രഹ്മോസ് എന്‍ജിയെ തേജസ് മാര്‍ക്ക് 1എ യുദ്ധവിമാനത്തില്‍ ഘടിപ്പിച്ചുകൊണ്ടുള്ള പരീക്ഷണം നടക്കും. ഇതുകൂടി വിജയിച്ചാല്‍ ബ്രഹ്മോസ് എന്‍ജിയും ലോകവിപണിയുടെ പ്രിയമായി മാറും. മാത്രമല്ല, ഓപ്പറേഷന്‍ സിന്ദൂറില്‍ ഉപയോഗിച്ച ബ്രഹ്മോസ് ക്രൂയിസ് മിസൈലിന് 290 കിലോമീറ്റര്‍ അകലെയുള്ള ലക്ഷ്യങ്ങളെ മാത്രമേ തകര്‍ക്കാന്‍ കഴിഞ്ഞിരുന്നുള്ളൂ. പക്ഷെ ബ്രഹ്മോസിന്റെ ദൂരശേഷി 800 കിലോമീറ്റര്‍ വരെയാക്കി ബ്രഹ്മോസ് എന്‍ജി ഉയര്‍ത്തും. ഇതോടെ കൂടുതല്‍ മാരകശേഷിയുള്ള മിസൈലായി ബ്രഹ്മോസ് മാറും.
പാകിസ്താനെതിരായ യുദ്ധത്തില്‍ പാകിസ്താന്‍ ഉപയോഗിച്ച ചൈനയുടെ വ്യോമപ്രതിരോധസംവിധാനങ്ങളുടെ കണ്ണുവെട്ടിച്ച് ബ്രഹ്മോസ് വന്‍നാശം വിതച്ചതാണ് ലോകരാഷ്‌ട്രങ്ങള്‍ക്ക് ബ്രഹ്മോസിനോട് പ്രേമം കൂടാന്‍ കാരണമായത്. ലോകത്ത് യുദ്ധങ്ങളുടെ എണ്ണം വര്‍ധിച്ചുകൊണ്ടിരിക്കുകയാണ്. ഇവിടെയെല്ലാം വന്‍തോതില്‍ ആയുധങ്ങള്‍ ഉപയോഗിക്കപ്പെടുന്നത് കൊണ്ട് ആയുധക്ഷാമം പലരാജ്യങ്ങളേയും വലയ്‌ക്കുന്നുണ്ട്. പക്ഷെ ഗുണനിലവാരമുള്ള ആയുധങ്ങളാണ് എല്ലാവരും തിരയുന്നത്. ഇന്ത്യ ഇക്കാര്യത്തില്‍ ഏറെ മുന്‍പന്തിയിലാണ്. അര്‍മേനിയയില്‍ ഇന്ത്യയുടെ ആയുധങ്ങള്‍ വലിയ ആഘാതമാണ് അസര്‍ബൈജാന് ഏല്‍പിച്ചുകൊണ്ടിരിക്കുന്നത്. ഇവിടെ ഉപയോഗിക്കുന്ന ഇന്ത്യന്‍ ആയുധങ്ങള്‍ അന്താരാഷ്‌ട്ര പ്രതിരോധമാധ്യമങ്ങളില്‍ വന്‍ചര്‍ച്ചാവിഷയമാണ്. ഇതും ഇന്ത്യയുടെ ആയുധങ്ങളോടുള്ള പ്രതിപത്തി വര്‍ധിപ്പിച്ചിട്ടുണ്ട്.
ഇതുവരെ ഫിലിപ്പൈന്‍സ് മാത്രമാണ് ബ്രഹ്മോസ് വാങ്ങിയത്. ഇന്തോനേഷ്യയും ബ്രഹ്മോസ് വാങ്ങാനുള്ള കരാറില്‍ ഒപ്പിട്ടതായി കഴിഞ്ഞ ദിവസം വാര്‍ത്ത വന്നിരുന്നു. വിയറ്റ്നാമും ബ്രഹ്മോസ് കരാറില്‍ ഒപ്പിടാനുള്ള അന്തിമഘട്ടത്തിലാണ്. പക്ഷെ ബ്രഹ്മോസ് വാങ്ങാന്‍ ക്യൂവില്‍ നില‍്ക്കുന്ന രാജ്യങ്ങളുടെ നിര നീണ്ടതാണ്. മലേഷ്യ തങ്ങളുടെ സുഖോയ് വിമാനത്തില്‍ ഘടിപ്പിക്കാന്‍ ബ്രഹ്മോസ് മിസൈല്‍ വാങ്ങാന്‍ ഒരുങ്ങുകയാണ്. ഇതിന്റെ ചര്‍ച്ചകളും അന്തിമഘട്ടത്തിലാണ്.
ഇതിന് പുറമെ യുഎഇ, സൗദി അറേബ്യ, ഖത്തര്‍ എന്നീ ഗള്‍ഫ് രാജ്യങ്ങലും ചിലി, ബ്രസീല്‍, അര്‍ജന്‍റീന എന്നീ ലാറ്റിനമേരിക്കന്‍ രാജ്യങ്ങളും ബ്രഹ്മോസ് വാങ്ങുന്നതിനായുള്ള അന്തിമ ചര്‍ച്ചകളിലാണ്. ഇതു വഴി ബ്രഹ്മോസില്‍ നിന്നു മാത്രമായി 500 കോടി ഡോളര്‍ വരുമാനമാണ് ഇന്ത്യ പ്രതീക്ഷിക്കുന്നത്.
ബ്രഹ്മോസില്‍ നിന്നു മാത്രമായി 500 കോടി ഡോളര്‍ വരുമാനമാണ് ഇന്ത്യ പ്രതീക്ഷിക്കുന്നത്. ഉത്തര്‍പ്രദേശിലെ ലഖ്നൗ കേന്ദ്രത്തില്‍ വര്‍ഷം തോറും 80 മുതല്‍ 100 വരെ സാധാരണ ഉപയോഗിക്കുന്ന ബ്രഹ്മോസ് സൂപ്പര്‍സോണിക് ഉപയോഗിക്കാന്‍ സാധിക്കും. അതേ സമയം ബ്രഹ്മോസ് എന്‍ജി എന്ന ഭാരം കുറഞ്ഞ പുതുതലമുറ ബ്രഹ്മോസ് ഇവിടെ വര്‍ഷം തോറും 100 മുതല്‍ 150 എണ്ണം വരെ നിര്‍മ്മിക്കാന്‍ സാധിക്കും.
