തിരുവനന്തപുരം : ശബരിമല യുവതി പ്രവേശനത്തില് സുപ്രീംകോടതിയില് സത്യവാംഗ്മൂലം നല്കുന്ന കാര്യത്തില് മന്ത്രി സഭാ യോഗത്തില് അന്തിമ തീരുമാനമായില്ലെന്ന് വിവരം. ശനിയാഴ്ചയാണ് സുപ്രീംകോടതിയില് തീരുമാനം അറിയിക്കേണ്ടത്. മന്ത്രിസഭാ യോഗം ശനിയാഴ്ച വീണ്ടും ചേരും.
നിയമസഭാ തെരഞ്ഞെടുപ്പ് പ്രഖ്യാപിക്കാനിരിക്കെ രണ്ടാം പിണറായി സര്ക്കാരിന്റെ അവസാനത്തെ ക്യാബിനറ്റ് യോഗമായിരിക്കും ഇത്. സര്ക്കാര് ജീവനക്കാരുടെ പ്രവര്ത്തിസമയം, ക്ഷേമ പദ്ധതികളുടെ പ്രഖ്യാപനം, കരാര് ജീവനക്കാരുടെ സ്ഥിരപ്പെടുത്തല് അടക്കമുള്ള പ്രഖ്യാപനങ്ങള് ഉണ്ടായേക്കും. ഇന്ന് വൈകുന്നേരം 4.30ന് തുടങ്ങിയ മന്ത്രിസഭാ യോഗം അവസാനിച്ചത് 7.15നാണ്.പിന്നാലെയാണ് നാളെ വീണ്ടും മന്ത്രിസഭാ യോഗം ചേരാന് തീരുമാനിച്ചത്.
അതേസമയം സംസ്ഥാനത്ത് വന്യജീവി ആക്രമണത്തില് മരിച്ചവരുടെ കുടുംബങ്ങള്ക്കുളള ധനസഹായം വര്ധിപ്പിക്കാന് മന്ത്രിസഭായോഗം തീരുമാനിച്ചു. പത്ത് ലക്ഷം രൂപയില് നിന്ന് 14 ലക്ഷമാക്കി ഉയര്ത്തി. പട്ടയ ഭൂമിയില് നിര്മാണ നിരോധനം നീക്കാനും തീരുമാനമായി.സിനിമാ നയം അംഗീകരിച്ചു.
