തിരുവനന്തപുരം :ഐഎഎസ് ഉദ്യോഗസ്ഥരുടെ സ്ഥലംമാറ്റത്തില്‍ സെന്‍ട്രല്‍ അഡ്മിനിസ്‌ട്രേറ്റീവ് ട്രിബ്യൂണലിന്റെ ഇടപെടല്‍ സംസ്ഥാന സര്‍ക്കാരിന് തിരിച്ചടിയായി.ഐ എ എസ് ഓഫീസേഴ്‌സ് അസോസിയേഷന്റെ ഹര്‍ജിയില്‍ 2014 ലെ കേഡര്‍ നിയമങ്ങള്‍ കര്‍ശനമായി പാലിക്കണമെന്ന് ട്രിബ്യൂണല്‍ ഉത്തരവിട്ടു.
ഐഎഎസ് ഉദ്യോഗസ്ഥരുടെ തസ്തികകളില്‍ കേഡര്‍ ഇതര ഉദ്യോഗസ്ഥരെ നിയമിക്കുന്നത് നിയമവിരുദ്ധമാണെന്ന് സിഎടി ഉത്തരവില്‍ പറയുന്നു.നിലവില്‍ എക്‌സൈസ് കമ്മീഷണറായ എം ആര്‍ അജിത് കുമാറിന് ഈ ഉത്തരവ് തിരിച്ചടിയാകും.എക്‌സൈസ് കമ്മീഷണര്‍ സ്ഥാനം ഐ എ എസ് കേഡര്‍ തസ്തികയാണെന്നും അവിടെ ഐ എ എസ് ഉദ്യോഗസ്ഥരെ മാത്രമേ നിയമിക്കാവൂ എന്നും ട്രിബ്യൂണല്‍ നിരീക്ഷിച്ചു.
ബി അശോക് കുമാറിനെ മാറ്റിയതുള്‍പ്പെടെ മൂന്ന് സ്ഥലംമാറ്റ ഉത്തരവുകള്‍ കോടതി റദ്ദാക്കി. ബി അശോക് കുമാറിന്റെ മൂന്ന് സ്ഥലം മാറ്റങ്ങള്‍ കോടതി റദ്ദാക്കി. എം ആര്‍ അജിത് കുമാറിന്റെ എക്‌സൈസ് കമ്മീഷണര്‍ സ്ഥാനവും പോകും.
കില (KILA), ഐ എം ജി (IMG) ഡയറക്ടര്‍ സ്ഥാനങ്ങളും ഐ എ എസ് കേഡര്‍ തസ്തികകളാണെന്നും സി എ ടി ഉത്തരവില്‍ പറയുന്നു.ഐ എ എസ് ഉദ്യോഗസ്ഥരുടെ സേവന വ്യവസ്ഥകളിലും സ്ഥലംമാറ്റങ്ങളിലും രാഷ്‌ട്രീയ താല്‍പ്പര്യങ്ങള്‍ കടന്നുകൂടുന്നത് തടയുന്നതാണ് ഈ ഉത്തരവെന്നാണ് സി എ ടി വ്യക്തമാക്കുന്നത്. കേഡര്‍ നിയമങ്ങള്‍ ലംഘിച്ചുള്ള നിയമനങ്ങള്‍ സര്‍ക്കാരിന്റെ അധികാരപരിധിക്ക് പുറത്താണെന്നും ട്രിബ്യൂണല്‍ ഓര്‍മ്മിപ്പിച്ചു
