റിയാദ് : സൗദിയെ ലക്ഷ്യമാക്കി ഇറാൻ അയച്ച രണ്ട് ക്രൂയിസ് മിസൈലുകൾ അൽ ഖർജിന് സമീപം സൗദി അറേബ്യ തകർത്തു. സൗദി പ്രതിരോധ മന്ത്രാലയം ഇത് സ്ഥിരീകരിച്ചു.
ബുധനാഴ്ച രാവിലെ മിസൈലുകൾ നശിപ്പിച്ചതായി മന്ത്രാലയ വക്താവ് പ്രസ്താവന ഇറക്കി. എന്നിരുന്നാലും എന്തെങ്കിലും നാശനഷ്ടങ്ങൾ സംഭവിച്ചോ ഇല്ലയോ എന്ന് പറഞ്ഞിട്ടില്ല. തലസ്ഥാനമായ റിയാദിൽ നിന്ന് ഏകദേശം 85 കിലോമീറ്റർ അകലെയാണ് അൽ ഖർജി സ്ഥിതി ചെയ്യുന്നത്.
അതിനടുത്തായി സൗദി അറേബ്യയുടെ പ്രിൻസ് സുൽത്താൻ എയർ ബേസ് ഉണ്ട്. അവിടെ യുഎസ് സൈനിക വിമാനങ്ങൾ നിലയുറപ്പിച്ചിട്ടുണ്ട്. ഇറാൻ ഇവിടെയും ലക്ഷ്യം വയ്‌ക്കാൻ സാധ്യതയുണ്ട്.
