ദുബായ്: യുഎഇയില്‍ മലയാളികള്‍ക്കിടയില്‍ ആശങ്ക പരക്കുന്നു. അത്യാവശ്യങ്ങള്‍ക്കല്ലാതെ തെരുവുകളില്‍ ഇറങ്ങരുതെന്ന് യുഎഇ ഭരണകൂടം പ്രത്യേകം സര്‍ക്കുലര്‍ പുറപ്പെടുവിച്ചിരിക്കുകയാണ്.
ഇന്ത്യക്കാര്‍ക്ക് എന്തെങ്കിലും അടിയന്തരമായി എന്തെങ്കിലും അറിയിക്കാനോ അറിയാനോ ഉണ്ടെങ്കില്‍
ടോള്‍ ഫ്രീനമ്പറായി 800-46342
വാട്സാപില്‍ +971543090571 എന്ന നമ്പറും അബുദാബിയിലെ ഇന്ത്യന്‍ എംബസി നല‍്കിയിട്ടുണ്ട്.
അബുദാബിയില്‍ ഇറാന്‍ മിസൈല്‍ ആക്രമണത്തില്‍ ഒരാള്‍ കൊല്ലപ്പെട്ടുവെന്നത് മലയാളികള്‍ക്കിടയില്‍ ആശങ്ക ഉണര്‍ത്തുന്നു. പ്രതിരോധ സംവിധാനങ്ങൾ തകർത്ത മിസൈലുകളുടെ അവശിഷ്ടങ്ങൾ സിവിലിയൻ കേന്ദ്രങ്ങളിൽ വീണാണ് അപകടമുണ്ടായതെന്നാണ് പ്രാഥമിക വിവരം. ബഹ്റൈനിലും സിവിലിയന്‍ കേന്ദ്രങ്ങളില്‍ ആക്രമണമുണ്ടായിട്ടുണ്ട്.
കൊല്ലപ്പെട്ടത് ഒരു ഏഷ്യൻ വംശജനാണെന്ന് മാത്രമാണ് പുറത്തുവരുന്ന റിപ്പോർട്ട്. ഇത് ഇന്ത്യക്കാരനാണോ എന്ന കാര്യം അറിവായിട്ടില്ല. ഇസ്രയേലിനും ബഹ്റൈനും ഖത്തറിനും സൗദിക്കും കുവൈത്തിനും പിന്നാലെ യു എ ഇയിലും ആക്രമണം ഉണ്ടായതോടെ മേഖലയിലെ സുരക്ഷാ സാഹചര്യം അതീവ ഗുരുതരമായിരിക്കുകയാണ്. യു എ ഇ അധികൃതർ രാജ്യത്തുടനീളം കനത്ത ജാഗ്രതാ നിർദ്ദേശം പുറപ്പെടുവിച്ചിട്ടുണ്ട്. ഗൾഫ് രാജ്യങ്ങളിലേക്കുള്ള വിമാന സർവീസുകൾ നിലച്ച അവസ്ഥയിലാണ്.
