ന്യോണ്: യുവേഫ ചാമ്പ്യന്സ് ലീഗ് പ്രീക്വാര്ട്ടര് ലൈനപ്പ് നിര്ണയത്തില് റയല് മാഡ്രിഡും മാഞ്ചസ്റ്റര് സിറ്റിയും നേര്ക്കുനേര്. കഴിഞ്ഞ സീസണില് ഇരുടീമുകളും പ്രീക്വാര്ട്ടറില് നേര്ക്കുനേര് വന്നിരുന്നുത്. മാസങ്ങള്ക്ക് മുമ്പ് ക്ലബ്ബ് ലോകകപ്പ് ഫൈനലില് ഏറ്റുമുട്ടിയ ചെല്സിയും പാരിസ് സാന്റ് ഷാര്മെയ്നും(പിഎസ്ജി) വീണ്ടും നേര്ക്കുനേര് വരുന്നതാണ് പ്രീക്വാര്ട്ടര് ലൈനപ്പിലെ മറ്റൊരു കൗതുകം.
കഴിഞ്ഞ സീസണ് പ്രീക്വാര്ട്ടറില് സ്പാനിഷ് വമ്പന്മാരായ റയലും പ്രീമിയര് ലീഗ് ടീം സിറ്റിയും ഏറ്റുമുട്ടിയപ്പോള് റയല് രണ്ട് പാദങ്ങളിലുമായി മൂന്നിനെതിരെ ആറ് ഗോളുകള് നേടി മുന്നേറിയിരുന്നു. നിലവിവലെ ചാമ്പ്യന്സ് ലീഗ് ജേതാക്കളായ പിഎസ്ജിക്ക് കിട്ടിയിരിക്കുന്ന ചെല്സിയോട് ലോകകപ്പിലേറ്റ മുറിവിന് കണക്കു ചോദിക്കാനുള്ള അവസരമാണ് ഒരുങ്ങുന്നത്. കഴിഞ്ഞ സീസണില് വമ്പന് കുതിപ്പ് നടത്തിവന്ന പിഎസ്ജിയെ ക്ലബ്ബ് ലോകകപ്പ് ഫൈനലില് മലര്ത്തിയടിച്ച് ചെല്സി കിരീടം സ്വന്തമാക്കിയിരുന്നു.
സ്പാനിഷ് ടീം എഫ്സി ബാഴ്സിലോണയ്ക്ക കിട്ടിയിരിക്കുന്ന എതിരാളികള് പ്രീമിയര് ലീഗിലെ ന്യൂകാസില് യുണൈറ്റഡ് ആണ്ട. ജര്മന് വമ്പന്മാരായ ബയേണ് മ്യൂണിക്കിന്റെ എതിരാളി ഇറ്റാലിയന് ടീം അറ്റ്ലാന്റയും. ഇറ്റിലിയില് നിന്നും വമ്പന്മാര് നോക്കൗട്ടില് സ്ഥാനം പിടിക്കാതിരിക്കുന്ന സാഹചര്യത്തില് അറ്റ്ലാന്റയാണ് ആ കുറവ് പരിഹരിക്കാന് മുന്നോട്ട് കുതിച്ചിരിക്കുന്നത്.
പ്രീമിയര് ലീഗില് വമ്പന് മുന്നേറ്റം നടത്തിക്കൊണ്ടിരിക്കുന്ന ആഴ്സണലിന്റെ എതിരാളികല് ജര്മന് കരുത്തരായ ബയെര് ലെവര്കുസന് ആണ്. പ്രാഥമിക റൗണ്ടില് കളിച്ച എട്ട് മത്സരങ്ങളും ജയിച്ച് നോക്കൗട്ട് ഉറപ്പിച്ച് ചരിത്രം കുറിച്ച ടീം ആണ് ആഴ്സണല്. ചാമ്പ്യന്സ് ലീഗ് ഇപ്പോഴത്തെ ഫോര്മാറ്റിലാക്കിയതിന് ശേഷം ഗ്രൂപ്പ് ഘട്ടത്തില് എല്ലാ മത്സരങ്ങളും ജയിക്കുന്ന ആദ്യ ടീമായാണ് പ്രീമിയര് ലീഗ് വമ്പന്മാരായ ആഴ്സണലിന്റെ കുതിപ്പ്. അവിചാരിതമായ കുതിപ്പ് നടത്തിയ ബോഡോയുടെ എതിരാളികള് സ്പോര്ട്ടിങ് ക്ലബ്ബ് ആണ്. മറ്റൊരു പ്രീമിയര് ലീഗ് വമ്പന് ടീം ലിവര്പൂള് എഫ്സിയുടെ എതിരാളികള് ഗലറ്റസരെ ആണ്. സ്പാനിഷ് കുരത്തരായ അത്ലറ്റിക്കോ മാഡ്രിഡിന് പ്രീക്വാര്ട്ടര് എതിരാളികളായി ലഭിച്ചിരിക്കുന്നത് പ്രീമിയര് ലീഗ് ടീം ടോട്ടനം ഹോട്സ്പര് ആണ്.
റയല് മാഡ്രിഡ്-മാഞ്ചസ്റ്റര് സിറ്റി
പിഎസ്ജി-ചെല്സി
ബാഴ്സ-ന്യൂകാസില്
ലിവര്-ഗലസരെ
അത്ലറ്റിക്കോ മാഡ്രിഡ്-ടോട്ടനം
ബയേണ് മ്യൂണിക്-അറ്റ്ലാന്റ
ആഴ്സണല്-ബയെര് ലെവര്കുസന്
ബോഡോ/ഗ്ലിംപ്റ്റ്-സ്പോര്ട്ടിങ് ക്ലബ്ബ്
