പാരീസ്: യുവേഫ ചാമ്പ്യന്‍സ് ലീഗില്‍ പാരീസ് സെന്റെ ജെര്‍മെയ്ന്‍(പിഎസ്ജി) ടീം കിരീടം നേടിയതിന്റെ ആഘോഷത്തിനിറങ്ങിയ ആള്‍കൂട്ടത്തിന്റെ പ്രകടനങ്ങള്‍ കലാപമായി മാറി. ആരാധകരെന്ന് വ്യാഖാനിച്ചുകൊണ്ട് ആളുകള്‍ തമ്മലുണ്ടായ സംഘര്‍ഷം വലിയ തെരുവുയുദ്ധമായി മാറുകയായിരുന്നു. തുടര്‍ന്നുണ്ടായ പോലീസ് നടപടിയില്‍ നൂറ് കണക്കിന് ആളുകള്‍ക്ക് പരിക്കേറ്റു. അതില്‍ എട്ട് പേരുടെ നില ഗുരുതരമാണ്. പാരീസ് നഗരത്തിന്റെ പലയിടങ്ങളിലും തീയും പുകയും ഉയരാന്‍ തുടങ്ങി. ആഘോഷത്തിന്റെ പേരില്‍ ഉണ്ടായ ഒത്തുകൂടല്‍ തെരുവ് കത്തുന്ന തലത്തിലേക്ക് മാറുകയായിരുന്നു.
സംഭവത്തെ തുടര്‍ന്ന് 780 ഓളം പേര്‍ അറസ്റ്റിലായി. 450 പേര്‍ കസ്റ്റഡിയിലായി. ഇതിനിടെ തെരുവില്‍ നിന്ന് ഒരാളെ മരിച്ച നിലയില്‍ കണ്ടെടുക്കുകയും ചെയ്തു. ആയിരക്കണക്കിന് പോലീസിനെ ഫ്രഞ്ച് നഗരത്തില്‍ നിയോഗിച്ചതായി ഫ്രാന്‍സിലെ ആഭ്യന്തര മന്ത്രി ലോറന്‍സ് ന്യൂനസ് പറഞ്ഞു.
