ഹരിപ്പാട്: വിവാഹിതയായ യുവതിയെ ഭര്ത്താവ് അറിയാതെ ഇസ്ലാം മതത്തിലേക്ക് പരിവര്ത്തനം ചെയ്തു. ചിങ്ങോലി സൂരജ്ഭവനത്തില് സൂരജിന്റെ ഭാര്യ സൂര്യയാണ് ഇസ്ലാം മതത്തിലേക്ക് മാറിയത്. നാഗപട്ടണം തിരുവാവുര് സ്വദേശി അമീര് ഫൈസലാണ് സൂര്യയെ പ്രലോഭിപ്പിച്ച് മതംമാറ്റിയത്. ഫാത്തിമ അമീര് എന്ന് പേരും നല്കി. യുവതിയുടെ കുടുംബത്തിന് പണം നല്കിയാണ് മതംമാറ്റിയതെന്ന് ഭര്തൃവീട്ടുകാരുടെ ആരോപിച്ചു. വിവാഹമോചനം ചെയ്യാത്ത തന്റെ ഭാര്യയെ തിരികെ കിട്ടണമെന്ന് ആവശ്യപ്പെട്ട് സൂരജ് കരീലക്കുളങ്ങര പോലീസില് പരാതി നല്കിയിരുന്നു. ഇതിന്റെ അടിസ്ഥാനത്തില് പോലീസ് ഇടപെട്ട് നാഗപട്ടണത്ത് നിന്ന് യുവതിയെ തിരികെ എത്തിച്ചെങ്കിലും സ്വന്തം വീട്ടിലേക്ക് പോകുകയായിരുന്നു.
ദിവസങ്ങള്ക്ക് മുന്പ് സൂര്യയുടെ വീട്ടില് അപരിചിതരായ ചില മുസ്ലിം പണ്ഡിതന്മാരെത്തി മതപരിവര്ത്തനത്തിന്റെ മുന്നോടിയായിട്ടുള്ള പ്രാര്ത്ഥനകളും മറ്റും നടത്തിയിരുന്നതായി സമീപവാസികള് പറയുന്നു. ഇതിന് ശേഷം യുവതിയെ പൊന്നാനിയിലെ മതപരിവര്ത്തന കേന്ദ്രത്തിലെത്തിച്ച് ഇസ്ലാം മതത്തിലേക്ക് മാറ്റുകയായിരുന്നുവെന്നാണ് വിവരം. ദരിദ്ര കുടുംബത്തില്പ്പെട്ട സൂര്യയുടെ വിവാഹം നടത്തിയത് നാട്ടുകാര് ചേര്ന്നായിരുന്നു. എന്നാല് അടുത്ത സമയത്തായി സൂര്യയും സൂരജും തമ്മില് പിണക്കത്തിലായിരുന്നു. സമുദായ സംഘടനാ നേതാക്കന്മാര് ഇടപെട്ട് ഇരുവരെയും യോജിപ്പിക്കാനുള്ള ശ്രമത്തിലായിരുന്നു. രേഖാമൂലം വിവാഹം വേര്പെടുത്താത്ത യുവതിയെ പണം നല്കി മറ്റൊരു മതത്തിലേക്ക് പരിവര്ത്തനം ചെയ്യുന്നത് കുറ്റകരമായ നടപടിയാണ്.
എന്നാല് കരീലക്കുളങ്ങര പോലീസ് അമീര് ഫൈസലിന് അനുകൂലമായ നിലപാടാണ് സ്വീകരിച്ചതെന്ന ആരോപണവും ഉയരുന്നുണ്ട്. ഇരുവരുടെയും മൊഴി രേഖപ്പെടുത്തി കോടതി മുന്പാകെ ഹാജരാക്കേണ്ടതാണ്. എന്നാല് കരീലക്കുളങ്ങര പോലീസ് ഇവരെ വിട്ടയക്കുകയായിരുന്നു. ഐപിസി 494 വകുപ്പ് അനുസരിച്ച് സൂരജിന് ഇനി കോടതിയെ സമീപിച്ച് മേല്നടപടികള് സ്വീകരിക്കാമെന്ന് നിയമവിദഗ്ധര് പറയുന്നു. ഇതിനിടെ ചിങ്ങോലി, പാനൂര് ഭാഗങ്ങളില് നിരവധി ഹിന്ദു കുടുംബങ്ങള് ഇസ്ലാം മതത്തിലേക്ക് പരിവര്ത്തനം ചെയ്യപ്പെട്ടതായും അറിയുന്നു. മതപരിവര്ത്തനത്തിനെതിരെ വിവിധ ഹൈന്ദവ സംഘടനകള് പ്രതിഷേധ യോഗങ്ങള് സംഘടിപ്പിക്കാനുള്ള നീക്കത്തിലാണ്.
ജന്മഭൂമി ഓണ്ലൈന്