ഹരിപ്പാട്: മാന്യനായ എന്നെ നിങ്ങള്‍ കള്ളനെന്ന് വിളിക്കരുതേ…. സംഭവം നടന്നത് ആലപ്പുഴ ജില്ലയിലെ ഹരിപ്പാടാണ്. കഴിഞ്ഞ ദിവസം രാത്രിയിലാണ് പള്ളിപ്പാട് ആഞ്ഞിലിമൂട്ടിലെ കള്ളുഷാപ്പിന്റെ പിന്‍വാതില്‍ പൊളിച്ച് അകത്തുകയറി അകത്താക്കിയത് നാല് കുപ്പി കള്ളും മീന്‍കറിയും.
ഷാപ്പിലെ മേശക്കുള്ളില്‍ കരുതിയിരുന്ന പണത്തിലേക്ക് കള്ളന്‍ തിരിഞ്ഞുപോലും നോക്കിയില്ല. മാത്രമല്ല, മേശ തുറക്കാനുള്ള ശ്രമം പോലും നടത്തിയിട്ടില്ല. കൂടുതല്‍ കള്ള് ഷാപ്പില്‍ ഉണ്ടായിരുന്നുവെങ്കിലും നാല് കുപ്പി കുടിച്ച് വയര്‍നിറച്ച കള്ളന്‍ തിരികെപ്പോയി.
കള്ള് കുടിക്കാന്‍ വേണ്ടി മാത്രമാണ് കള്ളന്‍ ഷാപ്പില്‍ കയറിയതെന്ന് പോലീസ് വ്യക്തമാക്കി.
