തിരുവനന്തപുരം: ഇരുന്നൂറ് വര്ഷം ഇന്ത്യയില് ഈസ്റ്റിന്ത്യാ കമ്പനിയെന്ന ക്രിസ്തന് സംഘം ഭരിച്ചുവെങ്കിലും 500 വര്ഷത്തോളം മുഗളന്മാരുള്പ്പെടെ മുസ്ലിങ്ങള് ഭരിച്ചുവെങ്കിലും ഇന്ത്യയെ ഒരു ക്രിസ്തുരാജ്യമോ മുസ്ലിം രാജ്യമോ ആക്കിമാറ്റാന് കഴിഞ്ഞില്ലെന്നത് നിസ്സാരകാര്യമല്ലെന്ന് സാമൂഹ്യനിരീക്ഷകന് ഫക്രുദ്ദീന് അലി. എത്ര പടയോട്ടങ്ങള് നടന്നിട്ടും അതിനെയൊക്കെ തടഞ്ഞുനിര്ത്താന് ഇന്ത്യയ്ക്ക് സാധിച്ചിട്ടുണ്ട്. അതായത് ഇന്ത്യയെ സംരക്ഷിച്ച് നിര്ത്തുന്ന എന്തോ ഒരു നിഗൂഢശക്തി ഉണ്ടെന്നാണ് കരുതുന്നതെന്ന് ഫക്രുദ്ദീന് അലി. പറയുന്നു.
ഇന്ത്യയുടെ നിഗൂഢശക്തിക്ക് പിന്നില് ഹിമാലയമാണെന്ന് പറയാറുണ്ട്. ഇന്ത്യന് പ്ലേറ്റ് യൂറേഷ്യന്പ്ലേറ്റുമായി കൂട്ടിയിടിച്ചപ്പോള് ഉണ്ടായതാണ് ഹിമാലയം പര്വ്വതനിരകള്. ചൈന പോലും ആയുധമെടുത്ത് ബ്രിട്ടീഷുകാരെ ഓടിച്ചപ്പോള് ഇന്ത്യ അഹിംസയിലൂടെയാണ് ബ്രിട്ടീഷുകാരെ ഓടിച്ചത്. ഇതിനര്ത്ഥം ഇന്ത്യയ്ക്ക് എന്തോ ഒരു നിഗൂഢശക്തിയുണ്ട്. പുറം ലോകങ്ങള് എല്ലാം പേടിക്കുന്ന ഒരു നിഗൂഢശക്തി. – ഫക്രുദ്ദീന് പറയുന്നു.
ഇന്ത്യയെ എന്നും അമേരിക്ക ഭയപ്പെടുന്നുണ്ട്. ഇന്ത്യ വലിയൊരു ആണവശക്തിയാകുന്നതിനെ തടയിടാന് അവര് ശ്രമിച്ചു. അതേ സമയം പാകിസ്ഥാനെ ആണവശക്തിയാകുന്നതിനെ അവര് തടഞ്ഞില്ല. അവരുടെ ലക്ഷ്യം പാകിസ്ഥാനിലൂടെ ഇന്ത്യയ്ക്ക് ചെക്ക് വെയ്ക്കലായിരുന്നു. ഇവിടെ ഖലിസ്ഥാന് തീവ്രവാദം,ബോഡോലാന്റ് തീവ്രവാദം എന്നിവയെ ശക്തിപ്പെടുത്താന് ശ്രമിച്ചു. പക്ഷെ അതിനെയെല്ലാം ഇന്ത്യ അതിജീവിച്ചു. ഇന്ത്യയെ പൂട്ടാന് വേണ്ടിയാണ് അമേരിക്ക എപ്പോഴും പാകിസ്ഥാനെ സഹായിക്കുന്നത്. ഇന്ത്യയെ ഒരു ലോകശക്തിയായി മാറുന്നത് തടയാനാണ്
നമ്മുടെ ഭൂതകാലത്തിലെ മിസ്റ്റിക് ആയ ശക്തികളെ അമേരിക്ക ഭയപ്പെടുന്നു. നമ്മുടെ ഇതിഹാസങ്ങളും പുരാണങ്ങളും വെറും കെട്ടുകഥകളല്ല. ഇന്ത്യ എപ്പോഴും ധാര്മ്മികത പുലര്ത്തിയിരുന്ന രാജ്യമാണ്. യുദ്ധത്തില് വരെ ഇന്ത്യ ധാര്മ്മികത പുലര്ത്തിയിരുന്നു. കാലാള് കാലാളിനോടും കുതിരസൈന്യം കുതിരസൈന്യത്തോടും മാത്രമേ നമ്മള് ഏറ്റുമുട്ടിയിരുന്നു. യൂറോപ്പിനോ അമേരിക്കയ്ക്കോ ഈ ധാര്മ്മികത ഇല്ല. ഇതിനെ അവര് പേടിക്കുന്നു. അതുകൊണ്ടാണ് അവര് എപ്പോഴും ഇന്ത്യയ്ക്കെതിരെ ചെക്ക് വെയ്ക്കുന്നത്. – ഫക്രുദ്ദീന് പറയുന്നു.
തുര്ക്കികള് വന്നിട്ടും ഇന്ത്യയെ സാംസ്കാരികമായി മാറ്റാന് കഴിഞ്ഞില്ല. അലക്സാണ്ടര്ക്ക് ഇങ്ങോട്ട് വരാന് കഴിഞ്ഞില്ല ഇപ്പോളത്തെ പാകിസ്ഥാന് വരെ മാത്രമേ വരാന് കഴിഞ്ഞുള്ളൂ. ചെങ്കിസ് ഖാന് ഇന്ത്യയിലേക്ക് വരാന് കഴിഞ്ഞില്ല. ഇവരെയൊക്കെ തടഞ്ഞുനിര്ത്തിയ എന്തോ ഒരു നിഗൂഢതയുണ്ട്. പാശ്ചാത്യരാജ്യങ്ങളിലെ പ്രബലരായ വ്യക്തികള് ഇന്ത്യയില് വന്ന് കാര്യങ്ങള് പഠിക്കാന് ശ്രമിക്കാറുമുണ്ട്. ഉദാഹരണത്തിന് ഹിറ്റ്ലര് ഹിമാലയത്തില് പഠനത്തിന് വന്നിട്ടുണ്ട്. അവിടെ ശംഭാല എന്ന സ്ഥലമുണ്ടെന്ന് ഹിറ്റ് ലര് പറഞ്ഞിട്ടുണ്ട്. അതുപോലെ ഹിറ്റ്ലര് പണ്ട് കുലഗുണമുള്ള ആര്യന് സ്ത്രീകളെ ഗര്ഭം ധരിപ്പിയ്ക്കാനായി ഹിമാലയത്തിലെ ഗ്രാമങ്ങളിലേക്ക് പറഞ്ഞയച്ചതായി കേട്ടിട്ടുണ്ട്. പിന്നീട് ഈ കുഞ്ഞുങ്ങളെ ആര്യന് വംശീയത വളര്ത്താന് ലോകത്തിലെ പല ഭാഗങ്ങളിലേക്ക് അയയ്ക്കുക എന്നതായിരുന്നു ഹിറ്റ്ലറുടെ പദ്ധതി. ഹിമാലയത്തിലെ കൈലാസം ദുരൂഹമാണ്. കൈലാസത്തിന് മുകളിലൂടെ ഇപ്പോഴും ഫ്ലൈറ്റുകള്ക്ക് പറക്കാന് കൃത്യമായി റൂട്ട് ഇല്ല. കാരണം ഹിമാലയത്തിലെ മര്ദ്ദവ്യതിയാനം കാരണം അതിന് മുകളിലൂടെ വിമാനങ്ങള്ക്ക് പറക്കാന് കഴിയില്ല എന്നാണ് പറയുന്നതെങ്കിലും അതിനുമപ്പുറം ഹിമാലയത്തിലും കൈലാസത്തിലും എന്തൊക്കെയോ നിഗൂഢതകള് ഒളിഞ്ഞിരിപ്പുണ്ട്. പക്ഷെ ഇന്ത്യയിലെ ഈ നിഗൂഢശക്തി എന്തെന്ന് നമുക്ക് മനസ്സിലാക്കാനും സാധിക്കുന്നില്ല. പക്ഷെ പാശ്ചാത്യര്ക്ക് അതിനെക്കുറിച്ച് കൃത്യമായി അറിയാം- ഫക്രുദ്ദീന് പറയുന്നു.
