കൊച്ചി: ചലച്ചിത്ര താരം ഹണി റോസിന് നിലവില് ജിഎസ്ടി വകുപ്പ് നല്കിയ നോട്ടീസ് ഹൈക്കോടതി റദ്ദാക്കിയെങ്കിലും താത്കാലിക ആശ്വാസം മാത്രമാണത്. നിയമപരമായ മറ്റൊരു നോട്ടീസിലൂടെ നികുതിനടപടികള് തുടരാന് ജി.എസ്.ടി വകുപ്പിന് കഴിയും. വിവിധ വര്ഷങ്ങളിലെ നികുതി രേഖകള് ആവശ്യപ്പെട്ട് ഒന്നിച്ച് നോട്ടീസ് നല്കിയതിനെതിരെയാണ് ഹണി റോസ് കോടതിയെ സമീപിച്ചത്. ഓരോ വര്ഷത്തെയും നികുതി രേഖ പ്രത്യേകമായി ആവശ്യപ്പെടണമായിരുന്നുവെന്ന് കോടതി നിരീക്ഷിച്ചു.
നടിയെന്ന നിലയ്ക്ക് ലഭിച്ച ആകെ വരുമാനം സംബന്ധിച്ച രേഖ നല്കിയിട്ടില്ലെന്ന് ജി.എസ്.ടി വകുപ്പ് കോടതിയില് ചൂണ്ടിക്കാട്ടി. 2017-ല് മാത്രം ഹണി റോസ് 11 ചിത്രങ്ങളില് അഭിനയിച്ചെങ്കിലും എട്ട് സിനിമകളുടെ വരുമാനം മാത്രമാണ് കാണിച്ചിരിക്കുന്നത്. സിനിമകള്ക്ക് പുറമെ രണ്ട് വര്ഷത്തിനിടെ ഇരുന്നൂറിലധികം സ്ഥാപനങ്ങളുടെ ഉദ്ഘാടന ചടങ്ങില് ഹണി റോസ് പങ്കെടുത്തതായി ജി.എസ്.ടി വകുപ്പ് കണ്ടെത്തിയിരുന്നു. എന്നാല് ആറ് ഉദ്ഘാടനങ്ങളില് നിന്ന് ലഭിച്ച വരുമാനം മാത്രമാണ് റിട്ടേണില് രേഖപ്പെടുത്തിയത്.
2017-18 സാമ്പത്തിക വര്ഷം മുതല് 2022-23 വരെയുള്ള കാലയളവിലെ നികുതി കുടിശ്ശികയായി 34.73 ലക്ഷം രൂപ അടയ്ക്കണമെന്ന് ജി.എസ്.ടി വകുപ്പ് നടിയോട് ആവശ്യപ്പെട്ടത്.
ഹണി റോസിന് നല്കിയ നോട്ടീസ് ഹൈക്കോടതി റദ്ദാക്കി, നികുതി വെട്ടിപ്പു നടന്നുവെന്ന നിലപാടില് ജിഎസ്ടി വകുപ്പ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.