കണ്ണൂര്: താന് രചിച്ച പുസ്തകത്തിന്റെ പ്രകാശനം മാറ്റിവെച്ചിട്ടില്ലെന്ന് സി പി എം മുന് ജില്ലാ കമ്മിറ്റി അംഗം വി കുഞ്ഞികൃഷ്ണന്. പുസ്തക പ്രകാശനത്തിന് മുമ്പ് സിപിഎം കണക്ക് പുറത്തുവിടണം.
ധന്രാജ് രക്തസാക്ഷി ഫണ്ടുമായി ബന്ധപ്പെട്ട് കൂടുതല് ചോദ്യങ്ങള് ഉന്നയിക്കും. പാര്ട്ടിക്കകത്ത് പോലും സത്യസന്ധമായ കണക്ക് ഇല്ലെന്നും വി കുഞ്ഞികൃഷ്ണന് മാധ്യമങ്ങളോട് പറഞ്ഞു.
പാര്ട്ടി കണക്ക് പുറത്തുവിടുമെന്ന് സംസ്ഥാന സെക്രട്ടറി എം വി ഗോവിന്ദന് പറഞ്ഞത് സംബന്ധിച്ച് അഞ്ചു വര്ഷമായി പാര്ട്ടിക്കകത്ത് ചര്ച്ച ചെയ്യുന്നുവെന്നും തനിക്കും ഇതുവരെ ബോധ്യപ്പെട്ടിട്ടില്ലെന്നും കുഞ്ഞികൃഷ്ണന് പറഞ്ഞു. താന് പ്രവര്ത്തനത്തില് നിന്ന് മാറി നിന്ന സമയത്ത് ഏരിയ കമ്മിറ്റിയില് ഒരു കണക്ക് അവതരിപ്പിച്ചു. പാര്ട്ടിയെ രക്ഷിക്കാന് ഈ കണക്ക് കീഴ് ഘടകങ്ങളില് അവതരിപ്പിക്കാന് പറഞ്ഞു.
സംസ്ഥാന നേതൃത്വത്തിന്റെ ഇടപെടല് കൊണ്ടാകാം ജില്ലാ കമ്മിറ്റി ഇപ്പോള് കണക്ക് പുറത്ത് വിടുന്നതെന്നും കുഞ്ഞികൃഷ്ണന് അഭിപ്രായപ്പെട്ടു.
