കോഴിക്കോട് : പ്ലസ് വണ്‍ വിദ്യാര്‍ഥിനി ജീവനൊടുക്കിയ സംഭവത്തില്‍ യുവാവ് അറസ്റ്റില്‍. മുരിങ്ങോടി കളക്കുടുമ്പ് ഉന്നതിയിലെ പി.വിഷ്ണുവിനെയാണ് (24) പേരാവൂര്‍ പോലീസ് അറസ്റ്റ് ചെയ്തത്. ആദിവാസി വിഭാഗത്തില്‍പ്പെട്ട പ്രായപൂര്‍ത്തിയാകാത്ത പെണ്‍കുട്ടിയെ ഇയാള്‍ നിരന്തരം പീഡിപ്പിച്ചിരുന്നതായി വ്യക്തമായതിനെത്തുടര്‍ന്നാണ് പോക്‌സോ നിയമ പ്രകാരമുള്ള അറസ്റ്റ് . പെണ്‍കുട്ടി ഇയാളുമായി പ്രണയത്തിലായിരുന്നുവെന്ന് പൊലീസ് അറിയിച്ചു.
പൊള്ളലേറ്റ നിലയിലാണ് പെണ്‍കുട്ടിയെ ആശുപത്രിയില്‍ എത്തിച്ചത്. അടുപ്പില്‍നിന്ന് തീപടര്‍ന്നുവെന്നാണ് വീട്ടുകാര്‍ പറഞ്ഞത്. എന്നാല്‍ അന്വേഷണത്തില്‍ പെണ്‍കുട്ടി മണ്ണെണ്ണ ഒഴിച്ച് തീ കൊളുത്തുകയായിരുന്നെന്ന് വ്യക്തമായി.
