സൗത്ത് ഇന്ത്യൻ സിനിമയിൽ ഒരു സമയത്ത് താരറാണി പട്ടം അലങ്കരിച്ചിരുന്ന അഭിനേത്രിയാണ് മീന. നടിയുടെ സിനിമാ ജീവിതത്തിൽ ഏറ്റവും കൂടുതൽ സൂപ്പർ ഹിറ്റായ സിനിമകളിൽ ഒന്ന് കമൽഹാസന്റെ അവ്വൈ ഷൺമുഖിയാണ്
സിനിമയിൽ ചുംബനരംഗം അഭിനയിച്ചപ്പോഴുള്ള അനുഭവം പങ്കുവെക്കുന്ന മീനയുടെ വീഡിയോയാണ് വൈറലാകുന്നത്. കമൽഹാസൻ സിനിമകളിൽ ചുംബനരംഗം ഉണ്ടാകുമെന്നത് നായികയായി അഭിനയിക്കാമെന്ന് സമ്മതിച്ച സമയത്ത് ഓർത്തില്ലെന്ന് മീന പറയുന്നു. ഭയത്തോടെയാണ് അഭിനയിച്ചതെന്നും കരച്ചിലായിരുന്നുവെന്നും മീന പറയുന്നു.
‘ കമൽ സാറിന്റെ സിനിമയാണെങ്കിൽ തീർച്ചയായും ലിപ് ടു ലിപ് കിസ്സിങ് സീനുണ്ടാകും. പക്ഷെ അവ്വൈ ഷൺമുഖിയിൽ അഭിനയിക്കാമെന്ന് കരാർ ഒപ്പിട്ട സമയത്ത് എനിക്ക് അത് ഓർമയുണ്ടായിരുന്നില്ല. രണ്ടാമത്തെ ദിവസം പാർക്കിൽ വെച്ച് കമൽ സാറുമായി സംസാരിക്കുന്ന സീനായിരുന്നു എടുത്തത്. അസിസ്റ്റന്റ് ഡയറക്ടർ എന്റെ അടുത്ത് വന്ന് കിസ്സിങ് സീനാണ് എടുക്കാൻ പോകുന്നതെന്ന് മാത്രം പറഞ്ഞു.
ഞാൻ ആകെ ഭയപ്പെട്ടു. അയ്യോ കിസ്സിങ് സീനാണോ… എങ്ങനെ ഞാൻ ഈ സീൻ ചെയ്യും എന്നൊക്കെയുള്ള ചിന്തയായി. കിസ്സിങ് സീനുകളോട് ഞാൻ യൂസ്ഡ് അല്ല. മാത്രമല്ല കംഫർട്ടബിളുമല്ല. എനിക്ക് ഇത് ചെയ്യാൻ കഴിയില്ല. അമ്മ ഒന്ന് സംവിധായകനോട് ഇക്കാര്യം സംസാരിക്കാമോയെന്ന് ഞാൻ ചോദിച്ചു.
കാരണം എനിക്ക് അദ്ദേഹത്തോട് സംസാരിക്കാൻ കഴിയില്ല. കെ.എസ് രവികുമാർ സാറായിരുന്നു സംവിധായകൻ. അദ്ദേഹം വളരെ ഡോമിനേറ്റിങ് സ്വഭാവമുള്ളയാളാണ്. അമ്മയും ഞാനും ഇക്കാര്യം പറയാൻ അദ്ദേഹത്തെ സമീപിക്കാൻ ഒരുങ്ങും മുമ്പ് ഷോട്ട് റെഡിയെന്ന് അനൗൺസ്മെന്റ് വന്നു. അതുകൂടി കേട്ടതോടെ ഞാൻ കരച്ചിലായി. കണ്ണുകൾ നിറഞ്ഞ് ഒഴുകി. ഇന്നും ലിപ് ലോക്ക് രംഗത്തോട് എനിക്ക് ഒട്ടും യോജിപ്പില്ല. എനിക്ക് അത് ചെയ്യുന്നതിനോടും താൽപര്യമില്ലെന്നുമാണ് ‘ മീന പറഞ്ഞത്
