തിരുവനന്തപുരം : പ്രധാനമന്ത്രി നരേന്ദ്രമോദി തലസ്ഥാനത്ത് . തിരുവന്തപുരം കോർപ്പറേഷനിൽ ബിജെപി ചുമതലയേറ്റ ശേഷം ആദ്യമായാണ് പ്രധാനമന്ത്രി തലസ്ഥാനത്ത് എത്തുന്നത് . വിമാനത്താവളത്തിലെത്തിയ പ്രധാനമന്ത്രിയെ മുഖ്യമന്ത്രിയും , ഗവർണറും ചേർന്ന് സ്വീകരിച്ചു .
അല്പസമയത്തിനകം പുത്തരിക്കണ്ടം മൈതാനത്തേയ്ക്കുള്ള റോഡ് ഷോ ആരംഭിക്കും . കുട്ടികളും സ്ത്രീകളുമടക്കം വൻ ജനാരവമാണ് നിരത്തുകളിൽ നിറഞ്ഞിരിക്കുന്നത് . മോദി ജീ ജയ് , ബിജെപി ജീ ജയ് വിളികളാൽ നിറഞ്ഞിരിക്കുകയാണ് തലസ്ഥാനനഗരി. കഥകളി , ഓട്ടം തുള്ളൽ വേഷങ്ങൾ ധരിച്ച കലാകാരന്മാരും മോദിയെ സ്വീകരിക്കാനായി എത്തിയിട്ടുണ്ട്.
സന്ദർശന വേളയിൽ, തോന്നയ്ക്കൽ ലൈഫ് സയൻസസ് പാർക്കിൽ കേന്ദ്രം സ്ഥാപിക്കുന്ന ഇന്നൊവേഷൻ ടെക്നോളജി എന്റർപ്രണർഷിപ്പ് ഹബ്ബിന് പ്രധാനമന്ത്രി ശിലാസ്ഥാപനം നടത്തും , നാല് പുതിയ ട്രെയിനുകൾ ഫ്ലാഗ് ഓഫ് ചെയ്യും. നിലവിൽ ബിജെപി ഭരണത്തിൻ കീഴിലുള്ള തിരുവനന്തപുരം കോർപ്പറേഷന്റെ വികസന ബ്ലൂപ്രിന്റും അദ്ദേഹം പുറത്തിറക്കും.
