തിരുവനന്തപുരം: നെടുമങ്ങാട് കരിപ്പൂര്‍ വില്ലേജ് ഓഫീസില്‍ വിജിലന്‍സ് നടത്തിയ മിന്നല്‍ പരിശോധനയില്‍ കണക്കില്‍പ്പെടാത്ത പണവും മദ്യവും കണ്ടെത്തി.ഭൂമി ഇടപാടുകള്‍ക്ക് ഇടനിലക്കാര്‍ വഴിയും നേരിട്ടും ഉദ്യോഗസ്ഥര്‍ കൈക്കൂലി വാങ്ങുന്നവെന്ന രഹസ്യവിവരം കിട്ടിയത് പ്രകാരമാണ് വിജിലന്‍സ് പരിശോധന നടത്തിയത്.
തിരുവനന്തപുരം സ്‌പെഷല്‍ ഇന്‍വെസ്റ്റിഗേഷന്‍ യൂണിറ്റ് രണ്ടാണ് പരിശോധന നടത്തിയത്. കൈക്കൂലി വാങ്ങുന്നവെന്ന രഹസ്യവിവരം കിട്ടിയതിനാല്‍ കരിപ്പൂര്‍ വില്ലേജ് ഓഫീസ് കുറേ നാളുകളായി വിജിലന്‍സ് നിരീക്ഷണത്തിലായിരുന്നു.
ബുധനാഴ്ച ഉച്ചയ്‌ക്ക് ശേഷം മൂന്ന് മണിയോടെ വില്ലേജ് ഓഫീസിലേക്ക് കയറിയ വിജിലന്‍സ് ഒരു ഉദ്യോഗസ്ഥന്റെ മേശക്കുള്ളില്‍നിന്നു 12,000 രൂപയാണ് കണ്ടെത്തിയത്. പഴയ വീടാണ് ഓഫീസായി പ്രവര്‍ത്തിക്കുന്നത്. ഒരു മദ്യ കുപ്പിയും ഗ്ലാസും ഇവിടെനിന്ന് കണ്ടെത്തി.
