ന്യൂദല്ഹി: കശ്മീരിലെ റിയാസി ജില്ലയിലുള്ള ശ്രീ മാതാ വൈഷ്ണോദേവി ഇന്സ്റ്റിറ്റ്യൂട്ട് ഓഫ് മെഡിക്കല് സയന്സിന് (എസ് എം വിഡി ഐ എംഇ) എംബിബിഎസ് കോഴ്സ് നടത്തുന്നതിനുള്ള അംഗീകാരം ദേശീയ മെഡിക്കല് കമ്മീഷന് റദ്ദാക്കിയത് അടിസ്ഥാനസൗകര്യങ്ങളുടെ അപര്യാപ്തതമൂലമാണെന്ന് വിശദീകരണം. ഇവിടുത്തെ എംബിബിെസ് കോഴ്സില് ആകെയുള്ള 50 സീറ്റുകളില് 44ഉം കശ്മീരിലെ മുസ്ലിം വിദ്യാര്ത്ഥികളാണ് നേടിയിരുന്നത്.
എന്നാല് ശ്രീ മാതാ വൈഷ്ണോദേവീ ക്ഷേത്രത്തിന് ഭക്തര് നല്കിയ സംഭാവനകളില് നിന്നും കെട്ടിയുയര്ത്തിയ കോളെജില് 90 ശതമാനത്തോളം സീറ്റുകളും . അന്യവിഭാഗക്കാര്ക്ക് നല്കിയതില് ബജ്രംഗ് ദള് ഉള്പ്പെടെയുള്ലള സംഘടനകള് പ്രതിഷേധിച്ചിരുന്നു. എന്നാല് നീറ്റ് എന്ന ദേശീയ മെഡിക്കല് പ്രവേശനപരീക്ഷ നടത്തിയതിന് ശേഷം മെറിറ്റ് അടിസ്ഥാനത്തിലാണ് കുട്ടികള് പ്രവേശിച്ചതെന്നും അതിനാല് ഇത്തരം കാര്യങ്ങളുടെ പേരില് കോഴ്സ് റദ്ദാക്കാന് കഴിയില്ലെന്ന് അന്ന് ദേശീയ മെഡിക്കല് കമ്മീഷന് പ്രസ്താവിച്ചിരുന്നു. ഇതിന്റെ അടിസ്ഥാനത്തില് 2025 സെപ്ദംബറില് ഇവിടെ എംബിബിഎസ് ക്ലാസുകള് ആരംഭിക്കുകയും ചെയ്തു.
എന്നാല് അതിന് ശേഷം, കോളെജില് അടിസ്ഥാനസൗകര്യവിസകനങ്ങള് കുറവാണ്, ക്ലിനിക്കല് ഉപകരണങ്ങളുടെ ആവശ്യത്തിനില്ല, ഫാക്കല്റ്റിയും റസിഡന്റ് ഡോക്ടര്മാരും ആവശ്യത്തിനില്ല എന്നിങ്ങനെ പലതരത്തിലുള്ള പരാതികളും വിദ്യാര്ത്ഥികളില് നിന്നും രക്ഷിതാക്കളില് നിന്നും ഉയര്ന്നിരുന്നു. ഇത്തരം പരാതികള് കുമിഞ്ഞുകൂടിയതോടെ ഈയിടെയാണ് ദേശീയ മെഡിക്കല് കമ്മീഷനന്റെ ഭാഗമായ മെഡിക്കല് അസെസ്മെന്റ് ആന്റ് റേറ്റിംഗ് ബോര്ഡ് (എംഎആര്ബി) ഇവിടെ സന്ദര്ശനം നടത്തിയത്. നേരിട്ടുള്ള സന്ദര്ശനത്തില് കോളെജിന്റെ അടിസ്ഥാനസൗകര്യങ്ങള് അപര്യാപ്തമാണെന്ന് ബോധ്യപ്പെടുകയായിരുന്നു. ഇതിന്റെ അടിസ്ഥാനത്തില് കോളെജില് നല്കിയ അംഗീകാരം റദ്ദാക്കാന് സമിതി ആവശ്യപ്പെടുകയായിരുന്നു. ഇതിന്റെ അടിസ്ഥാനത്തിലാണ് ദേശീയ മെഡിക്കല് കമ്മീഷന് ഇവിടുത്തെ എംബിബിഎസ് കോഴ്സിനുള്ള അംഗീകാരം റദ്ദാക്കിയത്.
