തിരുവനന്തപുരം: മതമാണ് മതമാണ് മതമാണ്, മതം മാത്രമാണ് പ്രശ്നം എന്ന പച്ചയ്ക്ക് വര്ഗ്ഗീയത പറഞ്ഞ മുസ്ലിം ലീഗ് നേതാവ് ഷാജിയുടെ പ്രസംഗം സമൂഹമാധ്യമങ്ങളില് വീണ്ടും ചര്ച്ചയാകുന്നു. അന്ന് ഇത്രയ്ക്ക് പച്ചയായ വര്ഗ്ഗീയത പറഞ്ഞിട്ടും ഷാജിയെ വിമര്ശിക്കാന് കോണ്ഗ്രസ് നേതാക്കളോ സിപിഐ, സിപിഎം നേതാക്കളോ തയ്യാറായില്ല.
പക്ഷെ ചില നഗ്നസത്യങ്ങള് വിളിച്ചുപറഞ്ഞ വെള്ളാപ്പള്ളി നടേശനെ ഹിന്ദുവര്ഗ്ഗീയവാദി എന്ന ചാപ്പ കുത്തി ഒറ്റപ്പെടുത്താന് മലപ്പുറം ജില്ലയിലെ നേതാക്കള് മുന്പന്തിയില് നില്ക്കുകയാണ്. മുസ്ലിംലീഗിന്റെ നേതാക്കള് മാത്രമല്ല, മറ്റ് പാര്ട്ടികളില് കയറിക്കൂടിയ ജിഹാദികളാണ് വെള്ളാപ്പള്ളിയ്ക്കെതിരെ വാളെടുക്കുന്നത്.
കരി ഓയില് ഒഴിക്കേണ്ടത് വെള്ളാപ്പള്ളിയുടെ മുഖത്തല്ല, മതമാണ് മതമാണ്, മതമാണ് പ്രശ്നം എന്ന് പറയുന്ന കെ.എം. ഷാജിയുടെ മുഖത്താണെന്ന് എസ് എന്ഡിപി യോഗം നേതാക്കള് വാദിക്കുന്നു. മലപ്പുറത്ത് മുസ്ലിങ്ങള്ക്ക് 4020 സ്കൂളുകള് അനുവദിച്ചപ്പോള് എസ് എന്ഡിപിക്ക് ലഭിച്ചത് വെറും 320 സ്കൂളുകളാണെന്ന പ്രശ്നം ഉന്നയിച്ചാണ് വെള്ളാപ്പള്ളി ആദ്യം രംഗത്ത് വന്നത്. സ്കൂളുകള് അനുവദിക്കുന്നതിലെ അസമത്വം തുറന്നുകാണിച്ചതോടെ ചിലര്ക്ക് അസ്വസ്ഥതയായി എന്നാണ് എസ് എന്ഡിപി നേതാക്കള് പറയുന്നത്. വെള്ളാപ്പള്ളി ഉയര്ത്തിയ ചോദ്യങ്ങള് കേരളത്തിന് എളുപ്പം മറക്കാനാവുന്ന ചോദ്യങ്ങളല്ല. നഗ്നമായ സത്യങ്ങളാണ് വെള്ളാപ്പള്ളി പറയുന്നത്. – സമൂഹമാധ്യമങ്ങളില് സാധാരണക്കാര് ഉയര്ത്തുന്ന വാദങ്ങളാണിവ.
മലപ്പുറം ജില്ലയില് 2011ലെ സെന്സസില് നിയമസഭാ മണ്ഡലങ്ങളുടെ എണ്ണം 12ല് നിന്നും 16 ആയി ഉയര്ന്നപ്പോള് കോട്ടയം പോലുള്ള ക്രിസ്ത്യാനികളും ഹിന്ദുക്കളും ഉള്ള ജില്ലകളില് മണ്ഡങ്ങളുടെ എണ്ണം 10ല് നിന്നും 9 ആയി കുറഞ്ഞു. മലപ്പുറത്തെ ഈ ജനസംഖ്യാപെരുപ്പത്തെയും വെള്ളാപ്പള്ളി വിമര്ശിച്ചിരുന്നു. ഇത് സത്യമല്ലേ?- സമൂഹമാധ്യമങ്ങളിലെ ചര്ച്ചകളില് ചിലര് ചോദിക്കുന്നു.
ഇരട്ടത്താപ്പ് കാട്ടുന്ന സിപിഐ നിലപാടിനെയും ശക്തമായി സമൂഹമാധ്യമങ്ങള് വിമര്ശിക്കുന്നു. വെള്ളാപ്പളളിയെ വര്ഗ്ഗീയവാദിയാക്കുകയും മുസ്ലിംലീഗ് നേതാക്കളെ മതേതരവാദികളാക്കുകയും ചെയ്യുന്നതാണ് ബിനോയ് വിശ്വം ഉള്പ്പെടെയുള്ള ഇടത് നേതാക്കളുടെ ലൈന്. കോണ്ഗ്രസുകാരെ പറയുകയേ വേണ്ട. മതമാണ് മതമാണ് മതമാണ് പ്രശ്നം എന്ന് പച്ചയ്ക്ക് വിഷം ചീറ്റിയ കെ.എം. ഷാജി എന്ന മുസ്ലിംലീഗ് നേതാവിനെ വര്ഗ്ഗീയ വാദി എന്ന് വിളിക്കാന് സിപിഐയുടെ ബിനോയ് വിശ്വം മുന്നോട്ട് വന്നിരുന്നില്ല. ഒരു മുസ്ലിം യൂത്ത് ലീഗുകാരോ ഒന്നും മുന്നോട്ട് വന്നിട്ടില്ല. ഒരു കോണ്ഗ്രസുകാരനും മുന്നോട്ട് വന്നില്ല. ടിവി ചാനലുകള് ഒന്നും മുന്നോട്ട് വന്നില്ല. ഷാജിയ്ക്കെതിരെ പ്രതികരിക്കാത്ത ജേണലിസ്റ്റ് യൂണിയന് വരെ വെള്ളാപ്പള്ളിക്കെതിരെ വാളെടുക്കുന്നു.
