ഇടുക്കി:തദ്ദേശ തെരഞ്ഞെടുപ്പില് കോണ്ഗ്രസ് സ്ഥാനാര്ഥിക്ക് വേണ്ടി പ്രായപൂര്ത്തിയാകാത്ത മകന് പ്രചാരണത്തിനിറങ്ങിയതിന്റെ പേരില് സിപിഎം ഭരണത്തിലുളള സഹകരണ ബാങ്കില്നിന്ന് താത്കാലിക ശുചീകരണ തൊഴിലാളിയായ സ്ത്രീയെ പിരിച്ചുവിട്ടു.തൊടുപുഴ കാരിക്കോട് സഹകരണ ബാങ്കില് സ്വീപ്പറായി ജോലി ചെയ്തു വന്ന നിസ ഷിയാസിനെയാണ് (42) സിപിഎം ഭരണസമിതി പിരിച്ചുവിട്ടത്. നിസ ആറ് വര്ഷമായി ബാങ്കില് ജോലി ചെയ്തു വരികയായിരുന്നു .ഇവരുടെ ഭര്ത്താവ് 11 വര്ഷം മുമ്പ് മരിച്ചുപോയിരുന്നു.
തൊടുപുഴ നഗരസഭ തെരഞ്ഞെടുപ്പില് കോണ്ഗ്രസിന് വേണ്ടി 21-ാം വാര്ഡായ കീരികോട് മത്സരിച്ച് വിജയിച്ച വിഷ്ണു കോട്ടപ്പുറത്തിനായി ഇവരുടെ മകന് പ്രചാരണത്തിന് ഇറങ്ങിയിരുന്നു. സൗഹൃദത്തിന്റെ പേരില് ആണ് പ്രചാരണത്തിനിറങ്ങിയതെന്നതിനാല് വിലക്കിയില്ലെന്ന് നിസ പറയുന്നു.
തുടര്ന്ന് രണ്ടുദിവസം കൂടി ജോലിക്ക് വന്നാല് മതിയെന്ന് ബാങ്ക് ഭരണസമിതി കഴിഞ്ഞ 29ന് നിസയെ അറിയിച്ചു. ബാങ്കില് ജോലി നല്കിയ മുന് ബാങ്ക് പ്രസിഡന്റിനെയും സിപിഎം ജില്ലാ സെക്രട്ടേറിയറ്റംഗത്തെയും കണ്ട് ജോലിയില് തുടരാന് അനുവദിക്കണമെന്ന് അഭ്യര്ത്ഥിച്ചെങ്കിലും ഫലമുണ്ടായില്ല.
ജോലിയില് നിന്ന് നീക്കരുതെന്ന് ഇവര് ആവശ്യപ്പെട്ടെങ്കിലും പ്രാദേശിക നേതൃത്വം വഴങ്ങാത്തതിനാല് ബാങ്ക് ഭരണസമിതി വീട്ടമ്മയെ പിരിച്ചുവിടുകയായിരുന്നു.
