തിരുവനന്തപുരം: സനാതനധര്മ്മം പകര്ച്ചവ്യാധിയാണെന്ന് അംബേദ്കര് പറഞ്ഞിട്ടുണ്ടെന്ന് സമൂഹമാധ്യമത്തില് കുറിച്ച ഏഷ്യാനെറ്റ് റിപ്പോര്ട്ടര്ക്ക് തോന്നുന്നത് ജവാന് മദ്യത്തിന്റെ ലഹരി കാരണമാണെന്ന് മുന് ഡിജിപി ടി.പി. സെന്കുമാര്. അയാള്ക്ക് അടിയന്തരമായി ഡീ അഡിക്ഷന് ചികിത്സ ആവശ്യമാണെന്നും ടി.പി. സെന്കുമാര് കുറിച്ചു.
അബ്ജോദിന്റെ പോസ്റ്റിലെ വിവാദഭാഗം
അബ്ജോദ് വര്ഗ്ഗീസ് എന്ന ഏഷ്യാനെറ്റ് റിപ്പോര്ട്ടറാണ് ഇങ്ങിനെ വിവാദമായ ഒരു കുറിപ്പ് തന്റെ ഫെയ്സ്ബുക്ക് പേജില് പങ്കുവെച്ചത്. വാസ്തവത്തില് അംബേദ്കര് ഒരിയ്ക്കലും സനാതന ധര്മ്മം പകര്ച്ച വ്യാധിയാണെന്ന് പറഞ്ഞിട്ടില്ലെന്നിരിക്കെ എങ്ങിനെയാണ് അബ്ജോദ് ഇങ്ങിനെ എഴുതിയത് എന്നറിയുന്നില്ല. തമിഴ്നാട് മുഖ്യമന്ത്രി സ്റ്റാലിന്റെ മകന് ഉദയനിധി സ്റ്റാലിന് സതാതനധര്മ്മം ഡെങ്കിപ്പനി പോലെ പകര്ച്ചവ്യാധിയാണെന്ന് പറഞ്ഞത്. ഉദയനിധി സ്റ്റാലിന്റെ വാക്കുകളാണ് അബ്ജോദ് അംബേദ്കറുടെ വാക്കുകള് എന്ന രീതിയില് തെറ്റിദ്ധരിച്ച് എഴുതിയത്.
മുന് ഡിജിപി സെന്കുമാര് നല്കിയ മറുപടി:
അബ്ജോദിന്റെ പോസ്റ്റിനെതിരെ വിവാദം ഉയര്ന്നെങ്കിലും ഇതുവരെയും അബ്ജോദ് ഇതിന് മറുപടി പറഞ്ഞിട്ടില്ല.
