ശിവഗിരി: ശിവഗിരി മഹാ തീര്ഥാടനത്തിലേക്ക് ഇന്നലെ പുലര്ച്ചെ മുതല് ഭക്ത സഹസ്രങ്ങള് വ്രതനിഷ്ഠരായ പീതാംബര ധാരികളായി ശിവഗിരി കുന്നിലേക്ക് ഒഴുകിയെത്തുകയാണ്. ശിവഗിരിയും മഹാസമാധിയും ശ്രീനാരായണ മന്ത്രങ്ങളാല് മുഖരിതമാണ്. വിവിധ എസ്എന്ഡിപി ശാഖകളില് നിന്നും ഗുരുമന്ദിരങ്ങളില് നിന്നും വ്രതനിഷ്ഠരായ തീര്ത്ഥാടകര് കാല്നടയായി ശിവഗിരിയിലേക്ക് എത്തിത്തുടങ്ങി. തീര്ത്ഥാടകരെ വരവേല്ക്കാന് ജില്ലയിലെമ്പാടും ഗുരുമന്ദിരങ്ങളും ശ്രീനാരായണ സംഘടനകളും അവസാനവട്ട ഒരുക്കങ്ങളിലാണ്.
മഹാ തീര്ത്ഥാടനത്തിന്റെ ഭാഗമായ തീര്ഥാടന ഘോഷയാത്ര ഇന്ന് പുലര്ച്ചെ 5.30ന് നടക്കും. ഓം നമോ നാരായണായ നാമജപത്തോടെ അലങ്കരിച്ച ഗുരുദേവക്ഷയ്ക്ക് ഭക്തജനങ്ങള് അകമ്പടി സേവിച്ച് ശിവഗിരിയില് നിന്ന് മൈതാനം റെയില്വേ സ്റ്റേഷന് വഴി തിരികെ മഹാസമാധിപീഠത്തില് തീര്ഥാടന ഘോഷയാത്ര എത്തിച്ചേരും. 8.30 ന് തീര്ത്ഥാടന ഘോഷയാത്ര മഹാസമാധിയില് സമാപിക്കുമ്പോള് ശ്രീനാരായണ ധര്മ്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ തീര്ത്ഥാടന സന്ദേശം നല്കും. 8 45 ന് സ്വാമിനി നിത്യചിന്മയി ‘അറിവിന്റെ തീര്ത്ഥാടനം’ എന്ന വിഷയത്തില് പ്രഭാഷണം നടത്തും.
രാവിലെ 9.30 ന് നടക്കുന്ന തീര്ത്ഥാടന സമ്മേളനം മുഖ്യമന്ത്രി പിണറായി വിജയന് ഉദ്ഘാടനം ചെയ്യും. സ്വാമി സച്ചിദാനന്ദ അധ്യക്ഷത വഹിക്കും. കര്ണാടക മുഖ്യമന്ത്രി സിദ്ധാ രാമയ്യ മുഖ്യാതിഥയാകും. ബിജെപി സംസ്ഥാന ജനറല് സെക്രട്ടറി ശോഭാസുരേന്ദ്രന്, ഗോകുലം ഗ്രൂപ്പ് ചെയര്മാന് ഗോകുലം ഗോപാലന്, അടൂര് പ്രകാശ് എംപി, ബി ജോയ് എംഎല്എ , മുരളിയാ ഗ്രൂപ്പ് എംഡി കെ മുരളീധരന് , സ്വാമി ശുഭാംഗാനന്ദ, സ്വാമി ശാരദാനന്ദ തുടങ്ങിയവര് സംസാരിക്കും.
തുടര്ന്ന് ഉച്ചയ്ക്ക് 12ന് നടക്കുന്ന കൃഷി കച്ചവടം കൈത്തൊഴില് സ്വയം പര്യാപ്തതയിലൂടെ അഭിവൃത്തി എന്ന സെമിനാര് മന്ത്രി പി. രാജീവ് ഉദ്ഘാടനം ചെയ്യും. ബിജെപി ദേശീയ നിര്വാഹസമിതി അംഗം പി.കെ. കൃഷ്ണദാസ്, കൊച്ചിന് ഷിപ്പിയാര്ഡ് ചെയര്മാന് മധു എസ് നായര്, നബാര്ഡ് ചെയര്മാന് കെ.വി.ഷാജി, സ്വാമി അംബികാനന്ദ മുതലായവര് സംസാരിക്കും. ശാസ്ത്ര സാങ്കേതിക സമ്മേളനം ഉച്ചയ്ക്ക് 2 30ന് മന്ത്രി ജി. ആര്. അനില് ഉദ്ഘാടനം ചെയ്യും. ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖര് മുഖ്യാതിഥിയാകും. അരുവിപ്പുറം ക്ഷേത്രം സെക്രട്ടറി സ്വാമി സാന്ദ്രാനന്ദ, സ്വാമി അമേയാനന്ദ മുതലായവര് സംസാരിക്കും. എന്. കെ .പ്രേമചന്ദ്രന് എംപി അധ്യക്ഷനാകും.
വൈകിട്ട് നടക്കുന്ന മാധ്യമ സമ്മേളനം കേന്ദ്ര സഹമന്ത്രി ജോര്ജുകുര്യന് ഉദ്ഘാടനം ചെയ്യും. മാത്യു കുഴല്നാടന് എംഎല്എ അധ്യക്ഷനാകും. സ്വാമി ധര്മ്മ ചൈതന്യ സ്വാമി ദിവ്യാനന്ദഗിരി, ഗവര്ണറുടെ അഡീഷണല് െ്രെപവറ്റ് സെക്രട്ടറി പി. ശ്രീകുമാര്, എ.എ.റഹീം എംപി, മാധ്യമപ്രവര്ത്തകരായ സാജന് സ്കറിയ, വി.എസ്.രാജേഷ്, സുജയ പാര്വതി തുടങ്ങിയവര് സംസാരിക്കും. രാത്രി 12 മണിക്ക് മഹാസമാധിയില് പുതുവത്സര പൂജയും സമൂഹ പ്രാര്ത്ഥനയും നടക്കും.
