ഇനി റഹിം ബെംഗളൂരുവിലേക്ക് പോകാന്‍ സാധ്യതയില്ല; ഒരു കേരളക്കാരനും ഇവിടേക്ക് വരേണ്ടെന്ന ഭീഷണിയുമായി ഡി.കെ. ശിവകുമാര്‍

ബെംഗളൂരു: ബുള്‍ഡോസര്‍ കൊണ്ട് അനധികൃത വീടുകള്‍ പൊളിച്ചത് എന്തിനെന്ന് അന്വേഷിച്ച് ഇനി എംപിയായ എ.എ. റഹിം ബെംഗളൂരിലേക്ക് ചെല്ലാന്‍ ഇടയില്ലെന്ന് സമൂഹമാധ്യമങ്ങളില്‍ പരിഹാസം.  കാരണം ഒരു കേരളക്കാരനും ഈ ബുള്‍ഡോസര്‍ കാര്യം പറഞ്ഞ് ഇങ്ങോട്ട് വരേണ്ടെന്ന്  കര്‍ണ്ണാടക ഉപമുഖ്യമന്ത്രി ഡി.കെ. ശിവകുമാര്‍ ഭീഷണി ഉയര്‍ത്തിയ സാഹചര്യത്തിലാണ് എ.എ. റഹിമിനും പിണറായി വിജയനും എതിരെ ട്രോളുകള്‍ ഉയരുന്നത്.

ഡി.കെ. ശിവകുമാറിന്റെ ഒരു കേരളക്കാരനും ഇങ്ങോട്ടേക്ക് വരേണ്ടന്ന് പറയുന്ന വീഡിയോ. കേരള ബിജെപി പങ്കുവെച്ച വീഡിയോ:

"We don’t want any Keralites." – Karnataka Dy CM DK Shivakumar.

Rahul Gandhi’s Bharat Jodo was just a photo-op. The real Congress model is this – divide Indians by religion and region.

Keralites are being treated this way today because years of Congress & Communist govt’s… pic.twitter.com/0DEI2SFyDU

— BJP KERALAM (@BJP4Keralam) December 30, 2025

മലയാളികള്‍ക്ക് മുഴുവന്‍ നാണക്കേടായിരിക്കുകയാണ് പിണറായി വിജന്റെയും എ.എ. റഹിമിന്റെയും കര്‍ണ്ണാടക സര്‍ക്കാരിനെതിരായ പ്രസ്താവനകളും നടപടികളും. അനധികൃതമായി സര്‍ക്കാരിന്റെ ഭൂമിയില്‍ എത്രയോ വര്‍ഷമായി കയ്യേറി താമസിച്ചവരെയാണ് ബുള്‍ഡോസര്‍ ഉപയോഗിച്ച് ഒഴിപ്പിച്ചത്. പിണറായി വിജയന്റെ നിര്‍ദേശപ്രകാരം ബെംഗളൂരുവിലെത്തിയ എ.എ. റഹിം സംഭവസ്ഥലം സന്ദര്‍ശിക്കുക മാത്രമല്ല കര്‍ണ്ണാടക സര്‍ക്കാരിനെതിരെ മാധ്യമപ്രവര്‍ത്തകരോട് സംസാരിക്കുകയും ചെയ്തിരുന്നു. ഇത് കര്‍ണ്ണാടക സര്‍ക്കാരിന്റെ തീരുമാനത്തിനെതിരെ നടത്തിയ കയ്യേറ്റമായാണ് ഡി.കെ. ശിവകുമാര്‍ കാണുന്നത്.

പല തവണ അപേക്ഷിച്ചിട്ടും ഇവര്‍ ആരും ഒഴിഞ്ഞുപോകാതിരുന്നതിനെ തുടര്‍ന്നാണ് മറ്റ് ഗത്യന്തരമില്ലാതെകര്‍ണ്ണാടക സര്‍ക്കാര്‍ ബുള്‍ഡോസര്‍ ഉപയോഗിച്ച് ഇവരുടെ വീടുകള്‍ പൊളിച്ചുനീക്കിയത്. മാധ്യമങ്ങളുടെ ചോദ്യത്തിന് ഉത്തരമായാണ് കേരളക്കാര്‍ക്ക് നേരെ ഡി.കെ. ശിവകുമാര്‍ ആഞ്ഞടിച്ചത്. “ഒരു കേരളക്കാരനും ഇവിടേക്ക് വരേണ്ടതില്ല. ഞങ്ങളുടെ മുഖ്യമന്ത്രി അദ്ദേഹത്തിന്റെ ജോലി ചെയ്യുന്നുണ്ട്. “